(ဒုတိယအကြိမ် မြန်မာနိုင်ငံ သုတေသနဆွေးနွေးပွဲတွင် ၁၉၇၆ခု မတ်လ (၂၀)ရက်နေ့၌ ဖတ်ကြားခဲ့သော စာတမ်းဖြစ်ပြီး၊ ပြည်ထောင်စုမြန်မာနိုင်ငံ သိပ္ပံနှင့် စက်မှုပညာဂျာနယ် (၁၉၆၈) ၁။ ၁၄၃-၁၅၂။ မှ ကူးယူဖေါ်ပြပါသည်။)
ဦးစန်းလွင် (ဓာတ်သတ္တုထုတ်လုပ်ရေး ကော်ပိုရေးရှင်း)

အသွင်ပြောင်းကျောက်များတွင် တွေ့ရသော အခက်အခဲများ

အသွင်ပြောင်းကျောက်ဆိုရာဝယ် အနည်ကျကျောက်နှင့် မီးသင့်ကျောက်များမှ အသွင်ပြောင်းလာသော ကျောက်များ အားလုံးကို ဆိုလိုသည်။ ၄င်းကျောက်များတွင် နိုက်(စ်) (gneiss)၊ သျှစ် (schist)၊ သလင်းကျောက် (quartzite)၊ သင်ပုံးကျောက် (slate)၊ ဖီးလိုက် (phyllite) နှင့် စကျင်ကျောက် (marble) စသည်များ ပါဝင်လေသည်။ အသွင်ပြောင်းကျောက်များသည် တမံကြီးများ ဆောက်လုပ်ရန်အတွက် ယေဘုယျအားဖြင့် သင့်လျော်ပေသည်။ အသွင်ပြောင်းကျောက် အမျိုးအမည်များသည်နှင့် အမျှ တမံ အမျိုးအစားလိုက်၍ ဆောက်လုပ်နိုင်စွမ်း ရှိမရှိ စသည်မှာလည်း ကွဲပြားလေသည်။ ကျောက်တွင် ပါသော ချပ်လျားပြိုင် (foliations) များသည် ကျောက်၏ စွမ်းအင်ကို ပျော့စေ၍ ၄င်းတို့ တလျှောက်လိုက်၍ ကျေမွတတ်စေသည်။ အသွင်ပြောင်းကျောက် အချို့သည် တွန့်ခေါက်ခြင်း ဒဏ်အကြီးအကျယ် ခံရ၍ အက်ကြောင်းပြိုင်များ၊ ပြတ်ရွေ့များ၊ ပေါများလွန်း၍ တမံဆောက်ရန် မသင့်သည်ကို တွေ့ရလေသည်။ သလင်းကျောက်နှင့် နိုက်(စ်)များတွင် အက်ကြောင်းပြိုင်များတလျှောက် ရေ၀င်များတတ်၍ ၄င်းတို့ကို ပိတ်ဆို့နိုင်ပါက အလွန်လေးသော ၀န်ကို ခံနိုင်ရန်ရှိကြောင်း တွေ့ရ၏။ သျှစ်၊ ဖီးလိုက်နှင့် သင်ပုံးကျောက်များမှာ ကျေမွခြင်း နည်းပါက တမံဆောက်ရန် သင့်တော်သော်လည်း မိုးများသော အပူပိုင်း ဒေသဖြင်သော မြန်မာပြည်တွင် အများအားဖြင့် ကျောက်ချေမွခံရမှု နှုန်းများကာ ၄င်းတို့အပေါ်တွင် အများအားဖြင့် အပေါ်ယံ မြေထုကြီးမားကြောင်း တွေ့ရတတ်သည်။ စကျင်ကျောက်သည် အခြား ထုံးကျောက်များကဲ့သို့ တမံဆောက်ရန် ကောင်းသော အချက်နှင့် မကောင်းသော အချက်များ ရှိပါသည်။

Read more »

(ဒုတိယအကြိမ် မြန်မာနိုင်ငံ သုတေသနဆွေးနွေးပွဲတွင် ၁၉၇၆ခု မတ်လ (၂၀)ရက်နေ့၌ ဖတ်ကြားခဲ့သော စာတမ်းဖြစ်ပြီး၊ ပြည်ထောင်စုမြန်မာနိုင်ငံ သိပ္ပံနှင့် စက်မှုပညာဂျာနယ် (၁၉၆၈) ၁။ ၁၄၃-၁၅၂။ မှ ကူးယူဖေါ်ပြပါသည်။)

ဦးစန်းလွင် (ဓာတ်သတ္တုထုတ်လုပ်ရေး ကော်ပိုရေးရှင်း)

(ဤစာတမ်းတွင် ဘူမိဗေဒအင်ဂျင်နီယာ၏ မြို့ပြအင်ဂျင်နီယာ လုပ်ငန်းများနှင့် ပတ်သက်၍ ယေဘုယျ တာဝန်များနှင့် တမံတည်ရန်နေရာတွင် လေ့လာ စမ်းသပ်ပေးရမည့် တာဝန်များကို အကျဉ်းဖော်ပြထားပါသည်။ ထို့နောက် တမံနေရာတွင် လွန်တူး၍ မြေအောက်အခြေအနေကို လေ့လာရာတွင် တွေ့ရှိရသော လက်တွေ့ အခက်အခဲများ၊ လွန်တွင်းများ အတွင်းစိမ့်တာနှုန်း စမ်းသပ် တိုင်းတာရာတွင် တွေ့ရသော အခက်အခဲများနှင့် ကျောက်နှင့် မြေအမျိုးအစားလိုက်၍ လွန်တူးနည်းနှင့် စိမ့်တာနှုန်း စမ်းသပ်နည်းများကို တင်ပြထားပါသည်။ အသေးစိတ် အနေဖြင့် (က) ဂရက်နစ်၊ (ခ) သွင်ပြောင်း ကျောက်များ၊ (ဂ) အနည်ကျ ကျောက်များနှင့် (ဃ) မြေနုကျောက်နည်များတွင် တွေ့ရသော အခက်အခဲများနှင့် ၄င်းတို့ကို ကျော်လွှားသွားပုံကို ဆွေးနွေးထားပါသည်။)

နိဒါန်း

လွတ်လပ်ရေး ရပြီးသည့်နောက် ပြည်ထောင်စု မြန်မာနိုင်ငံတွင် မြို့ပြ အင်ဂျင်နီယာ လုပ်ငန်းကြီးများ ဖြစ်သော တာ၊ တမံ၊ ရေလှောင်ကန်နှင့် ဟိုက်ဒရောလစ် အဆောက်အဦ hydraulic structures များ တိုးတက်ဆောက်လုပ် လာသည်ကို တွေ့ရလေသည်။ ဆောက်လုပ်သည့် အဆောက်အအုံများသည် ကြီးမားလာသည့် အလျှောက် ၄င်းတို့ ဆောက်လုပ်မည့် နေရာ၏ အင်ဂျင်နီယာဘူမိဗေဒ အခြေအနေကိုလည်း ပို၍ တိကျစွာ သိရှိနားလည်ရန် လိုအပ်လာသည်ကို တွေ့ရပါသည်။ ထို့ကြောင့် စစ်ကြိုခေတ် အခါကကဲ့သို့ ဘူမိဗေဒပညာရှင်များ (geologists) ကို ရံဖန်ရံခါ သက်ဆိုင်ရာ လုပ်ငန်းနှင့် ပတ်သက်၍ အကြံပေးရန် ခေါ်ယူ သုံးစွဲလာရာမှ ပိုမို ကျွမ်းကျင် တတ်မြောက်သော ဘူမိဗေဒအင်ဂျင်နီယာများ (engineering geologists) ကို အချိန်ပြည့် အသုံးပြုလာသည်မှာ မကြာသေးပေ။ ထိုသို့ အသုံးပြုလာကြခြင်းမှာလည်း တနေ့ထက်တနေ့ ဘူမိဗေဒအင်ဂျင်နီယာ ပညာရပ်သည် တိုးတက်လာ၍ သက်ဆိုင်ရာ ပညာရှင်များကလည်း ၄င်းတို့ တွေ့ရှိသော ဘူမိဗေဒ အင်ဂျင်နီယာ အခြေအနေကို မြို့ပြအင်ဂျင်နီယာများ သိရှိနားလည်နိုင်သော နည်းများဖြင့် တင်ပြတတ်ခြင်း၊ အခက်အခဲကို ကူညီဖြေရှင်းနိုင်ခြင်း စသည်တို့ကြောင့် မြို့ပြအင်ဂျင်နီယာများ၏ ယုံကြည်မှု ရယုံမျှမကဘဲ ပူးတွဲ ဆောင်ရွက်ရန် နားလည်မှုများ ရရှိခဲ့လေသည်။ ထို့ကြောင့် ယခုအခါ ဆောက်လုပ်ရေး လုပ်ငန်းများအတွက် ပုံစံထုတ်ရာတွင်၎င်း၊ တည်ဆောက်ရာတွင်၎င်း၊ ထိန်းသိမ်း စောင့်ရှောက်ရာတွင်၎င်း၊ စရိတ်စက ပိုမို သက်သာလာကာ ပို၍ စိတ်ချခိုင်ခန့်သော အဆောက်အဦများ တည်ဆောက်နိုင်သော အကျိုးများ သက်ရောက် လာသည်ကို တွေ့ရလေသည်။
ဤစာတမ်းသည် ထိုသို့ ပူးတွဲဆောင်ရွက်ခဲ့ရာမှ အစ တာတမံများ တည်ဆောက်ရေးနှင့် ပတ်သက်၍ မြန်မာပြည်အတွင်း လက်တွေ့ လေ့လာ စမ်းသပ်ရာတွင် တွေ့ရှိခဲ့သော အတွေ့အကြုံများကို အလေးပေး ဆွေးနွေးထားပါသည်။ ဤစာတမ်းသည် စုံစေ့ပြီဟု မယူဆနိုင်သော်လည်း အလုပ်နယ်ပယ်သို့ အသစ် ၀င်ရောက်လာကြမည် ဖြစ်သော ဘူမိဗေဒအင်ဂျင်နီယာများသည် ကွင်းဆင်းရာတွင် လက်တွေ့ အခက်အခဲများကို ကျော်လွှား သွားနိုင်ရန် အထောက်အကူ ပေးနိုင်မည်မှာ မလွဲပေ။

Read more »

ဆန်းမွန်

သူငယ်ချင်းတို့ရေ့ ဒီတခါ ပြောပြချင်တဲ့ အကြောင်းအရာကတော့ နောင် ဖြစ်လာဖွယ် ရှိတဲ့ ဘူမိဗေဒ ဘာသာရပ်သစ် တစ်ခုအကြောင်း ပါဘဲ။ သိပ်ပြီး ဝေးသေးတယ်လို့တော့ မထင်လိုက်နဲ့ဦး၊ အီလက်ထရွန်းနစ် ခေတ်မှာ အရာအားလုံး မြန်မြန်ဆန်ဆန် ဖြစ်ပေါ် ပြောင်းလဲ နေတယ် မဟုတ်လား။ မင်းတို့ တတွေလဲ သိသင့်တယ် ထင်လို့ မျှဝေလိုက် ရပါတယ်။

လွန်ခဲ့တဲ့ ၂၀၀၃ ခုနှစ် မေလက လွှတ်တင်ထားခဲ့ပြီး ဟိုးဝေးလံလှတဲ့ အာကာသထဲက ဂြိုလ်သိမ် ဂြိုလ်မွှား တစ်ခုကို လေ့လာနေခဲ့တဲ့ မောင်းသူမဲ့ ဂြိုလ်တုငယ် တစ်လုံးဟာ ခုတော့ ကမ္ဘာ့မြေပြင်ကို အောင်မြင်စွာ ပြန်ဆင်းသက်နိုင်ခဲ့ပြီ။ အာကာသသိပ္ပံ ဘာသာရပ်ရဲ့ မှတ်တိုင်သစ် တစ်ခုကို အောင်မြင်စွာ စိုက်ထူနိုင်ခဲ့တဲ့ ဒီစီမံကိန်းဟာ အခက်အခဲတွေ အများကြီးထဲက ဆန်းသစ်လှတဲ့ နည်းပညာရပ်တွေနဲ့ ပြည့်နက်နေတယ်။ စီမံကိန်းရဲ့ ပင်မရည်ရွယ်ချက် က အီတိုကာဝါ (Itokawa) လို့ အမည်ပေးထားတဲ့ ဂြိုလ်သိမ် ပေါ်က ကျောက်စကျောက်နတွေကို နမူနာ ကောက်ယူပြီး နေစင်္ကြာဝဠာကြီး ဖြစ်ပေါ်လာပုံကို လေ့လာဖို့ တဲ့။
မင်းတို့လဲ အသိဘဲ ငါတို့ ဘူမိဗေဒ ကျောင်းသား ဘ၀တုန်းက ကွင်းဆင်းဖို့ အတွက် ပြင်ဆင်ရတာ၊ ကွင်းဆင်းရတာ၊ အပြန်စာတမ်းတင်ရတာ နဲ့ ငါတို့တတွေ ဘယ်လောက် အလုပ်များခဲ့ကြလဲ။ အခုငါပြောပြမယ့် စီမံကိန်း ဟာက နည်းပညာဆန်းသစ် ခြင်းတွေနဲ့ ပြည့်နက်နေတဲ့ နောင်တစ်ချိန် ဖြစ်လာမယ့် ဘူမိဗေဒရဲ့ ကွင်းဆင်းဘာသာရပ် တစ်ခုလားပဲ။ အောက်မှာပါတဲ့ အကျဉ်းချုပ် အချက်အလက်တွေ ဖတ်ကြည့် လိုက်ရင် မင်းသဘောပေါက် သွားမှာပါ။

Read more »

(Yati Magazine, Volume 7, No.72, Mar 2010 မှ ကူးယူဖေါ်ပြပါသည်။)
သိန်းပိုင် (M.Engg.Geol.)

ရှန်ဟာလာ (Shambhala)

ဂမ္ဘီရတောင်တန်းများမှ ကျောက်မျက်များကို စုဆောင်းရရှိနိုင်ဖို့ ဟိမ၀န္တာတောင်တန်းများသည် “ရှန်ဟာလာ” (Shambhala) ၏ တံခါးပေါက်သို့ ၀င်ရောက်ရန်အတွက် သော့တစ်ချောင်းအဖြစ် ယူဆခံရပါသည်။“ရှန်ဟာလာ” သည် ထွန်းလင်းတောက်ပနေသော ဂမ္ဘီရမြို့တော်ဖြစ်ပြီး ယင်းမြို့တော်တွင် ထာဝရနုပျိုခြင်းနှင့် ပြီးပြည့်စုံခြင်း ရရှိစေပါသည်။ “ရှန်ဟာလာ” သည် မူလအစက တိဗက်တို့၏ ရိုးရာဓလေ့ ဖြစ်သော်လည်း အခြားယဉ်ကျေးမှုများက လက်ခံထားသော အယူအဆ ဖြစ်ပါသည်။ ကယ်လီဖိုးနီးယားရှိ “မောင့်ရှာစတာ” တောင်သည် “ရှန်ဟာလာ” သို့ ၀င်ရောက်သည့် ၀င်ပေါက် တံခါးတစ်ချပ်ဖြစ်ပြီး ယင်းတောင်ပေါ်သို့ တက်ရောက်ခဲ့ပါသည်။ အကယ်၍ မိမိသည် တောင်ထိပ်သို့ မရောက်ရှိခဲ့ပါက ထိုကဲ့သို့ပြုလုပ်ခြင်းကို ယင်းတောင်မှ သင့်အား တားဆီးခြင်းပင် ဖြစ်ပါသည်။ တောင်ပေါ်သို့ တက်သည့်အခါ မျက်စိဖြင့် မမြင်ရဘဲ အလွန်ကြီးမားသော လက်ကြီဖြင့် မိမိကို တွန်းတင်ပေးသကဲ့သို့ အကြိမ်ပေါင်းများစွာ ခံစားခဲ့ရပါသည်။

Read more »

ညီညီစိုး (ရေနံဘူမိဗေဒပညာရှင်)

The Mississippi Canyon Block 252 project, Gulf of Mexico, Water depth 5000ft America

America ရဲ့ ကမ်းလွန် ပင်လယ်ပြင် Gulf of Mexico မှာ ဧပြီလ လ၂၀ရက်နေ့က BP (British Petroleum)ရဲ့ ရေနံတူးစင်ပေါက်ကွဲမီးလောင်ပြီး ပင်လယ်ထဲကို နစ်မြုပ် သွားရပါတယ်၊ ဒီ အဖြစ်အပျက်ဟာ America ရဲ့ ကမ်းလွန်မှာ နှစ်ပေါင်း ၃၀ အတွင်း ဖြစ်ပျက်ခဲ့တဲ့ အဆိုးဝါးဆုံး ရေနံတူးစင်ပေါက်ကွဲမှု ဖြစ်ပါတယ်၊ ပေါက်ကွဲမှု့ဖြစ်အပြီး ပင်လယ်ကြမ်းပြင်က ရေနံတွေ ဆက်တိုက်ယိုစိမ့်ထွက်လာနေတာ ရက်သတ္တပတ် (၆)ပတ်ကျော်လို့ (၇)ပတ်ထဲရောက်နေပါပြီ တနေ့ကို ရေနံစည် ၂၀၀၀ ကနေ ၅၀၀၀ အကြား စီးထွက်လာနေတယ်လို့ သတင်းများကဆိုပါတယ်။ ထွက်လာနေတဲ့ များပြားလှတဲ့ ဒီရေနံ တွေဟာ America ရဲ့ ကမ်းလွန် သဘာဝပတ်ဝန်းကျင်ကို ဆိုးဝါးလှစွာ ထိခိုက်နေပါပြီ။
ဒီအဖြစ်အပျက်မှာ BP နဲ့ သူ့ရဲ့sub-contractor တွေကြား ဘယ်သူ့မှာ တာဝန်ရှိတယ်ဆိုတာ ကို အငြင်းအခုန်ဖြစ်ပြီး တယောက်ကို တယောက် အပြစ်တင်နေကြပါတယ်။
တကယ်တော့ ရေနံတူးဖော်ခြင်းဟာ ကြေးကြီး လောင်းကစား နည်း တမျိုး ပါဘဲ။ ယခု shallow water မှာ တူးတဲ့ တွင်းတွေတောင် ကုန်ကျစရိတ် က တနာရီကို ဒေါ်လာ ၂၅၀၀၀ ခန့် ( 2006-2007 ဈေး) ရှိပါတယ် တရက်ကို (၆)သိန်းဆိုတော့ ကျနော်တို့နိုင်ငံမှာ ကမ်းလွန် တွင်း ၁ တွင်းကို ပျမ်းမျှ ဒေါ်လာ ၂၀သန်း ခန့် ကုန်ပါတယ် ရေနက်ပိုင်းနဲ့ technical အရ ခက်ခဲတဲ့ နေရာတွေ (ဥပမာ ရခိုင်ကမ်းလွန်) ဆို ကုန်ကျစရိတ် က ၂ ဆခန့်ဖြစ်သွား နိုင်ပါတယ် အောင်မြင်ပါက အကျိုးခံစားရမှာဖြစ်သလို ယခုလို ဆုံးရှုံးပါကလည်း ရေထဲ ခဲ ပစ်ချ လိုက်တာကမှ အသံကြားရပါလိမ့်မယ် နောက်ဆက်တွဲ အကျိုးဆက်ကတော့ မြင်တဲ့ အတိုင်းပါဘဲ။ ဆုံးရှူံးမှုအတိုင်းတာ ဘယ်ရွေ့ ဘယ်လောက် အထိရောက်မယ် မခန့်မှန်းနိုင် အောင်ပါဘဲ။

Read more »