MYANMAR GEOLOGY FRIENDS

ဘူမိဗေဒ ဟောပြောပွဲများ ဆက်တိုက်

Editor — Sat, 04 Sep 2010 14:39:05 +0000

ယနေ့ (၄၊ စက်တင်ဘာ၊ ၂၀၁၀) တွင် ဘူမိသိပ္ပံအသင်း တည်ရှိရာ သမိုင်းကျောင်းဝန်းတွင်းရှိ MES Building ၏ Function Hall တွင် ဦးစိုးမြင့် (ညွှန်ချုပ်/ငြိမ်း၊ စွမ်းအင်စီမံကိန်း) စင်္ကာပူရောက် ဒေါက်တာဝင်းနိုင် တို့၏ ပညာရပ်ဆိုင်ရာ ဟောပြောပွဲများကို Energy 2035 and Beyond နှင့် Seismotectonics of Myanmar and Geotechnical Foundation in Yangon ခေါင်းစဉ်များဖြင့် ကျင်းပကြောင်းသိရှိရပါသည်။ အသင်း၏ ပညာပေး ဟောပြောပွဲများကို ဆက်တိုက်ဆောင်ရွက်လျက်ရှိရာ လာမည့် စက်တင်ဘာ ၁၁ ရက်တွင်လည်း ယင်းနေရာ၌ပင် Society of Economic Geologists မှ Douglas Kirwin နှင့် Ivanhoe Myanmar မှ Andrew Mitchell တို့က သြစတေးလျနှင့် တောင်အာဖရိက ရွှေတွင်းများ၊ မြန်မာ မုံရွာကြေးနီနှင့် ရမည်းသင်း မိုးထိ ရွှေသိုက်များအကြောင်း ဟောပြောကြမည်ဟု သိရသဖြင့် လေ့လာသူ မြန်မာ geologists အပေါင်း ၀မ်းမြောက်ဖွယ်သတင်းအဖြစ် မျှဝေလိုက်ရပေသည်။

Scridb filter

သတင်းစာထဲက သူငယ်ချင်းပျောက် ကြော်ငြာ

admin — Wed, 25 Aug 2010 05:13:48 +0000

၂၄ ရက်၊ သြဂုတ်လ၊ ၂၀၁၀။ မြန်မာ့အလင်း။

၂၄ ရက်၊ သြဂုတ်လ၊ ၂၀၁၀ ထုတ် မြန်မာ့အလင်း နေ့စဉ်သတင်းစာမှာ ဖေါ်ပြထားတဲ့ ကြော်ငြာဖြစ်ပါတယ်။ အဝေးရောက်ပြီး အဆက်အသွယ် ပြတ်တောက်နေတဲ့ သူငယ်ချင်းများ အတွက် တွေ့ဆုံလိုတဲ့ သူငယ်ချင်းများက တခုတ်တရနဲ့ သတင်းစာမှာ ကြော်ငြာထည့်လိုက်တာ ဖြစ်ပါတယ်။ မြန်မာပြည်အတွင်းနဲ့ အခြားအဝေးတစ်နေရာကို ရောက်ရှိနေတဲ့ သူငယ်ချင်းများ အတွက် တဆင့်စကား တဆင့်နားနဲ့ ပြန်လည်ဆက်သွယ် တွေ့ဆုံနိုင်ကြပါစေရန် ရည်ရွယ်ပြီး geolfriends မှ ဖေါ်ပြလိုက်ခြင်း ဖြစ်ပါတယ်။

Scridb filter

မြန်မာပြည်အတွင်း တာတမံများနေရာတွင် မြေလွှာအောက်စမ်းသပ်ရာ၌ တွေ့ရှိရသော အခက်အခဲများ (အပိုင်း-၂ )(နိဂုံး)

admin — Sat, 21 Aug 2010 06:02:28 +0000

(ဒုတိယအကြိမ် မြန်မာနိုင်ငံ သုတေသနဆွေးနွေးပွဲတွင် ၁၉၇၆ခု မတ်လ (၂၀)ရက်နေ့၌ ဖတ်ကြားခဲ့သော စာတမ်းဖြစ်ပြီး၊ ပြည်ထောင်စုမြန်မာနိုင်ငံ သိပ္ပံနှင့် စက်မှုပညာဂျာနယ် (၁၉၆၈) ၁။ ၁၄၃-၁၅၂။ မှ ကူးယူဖေါ်ပြပါသည်။)
ဦးစန်းလွင် (ဓာတ်သတ္တုထုတ်လုပ်ရေး ကော်ပိုရေးရှင်း)

အသွင်ပြောင်းကျောက်များတွင် တွေ့ရသော အခက်အခဲများ

အသွင်ပြောင်းကျောက်ဆိုရာဝယ် အနည်ကျကျောက်နှင့် မီးသင့်ကျောက်များမှ အသွင်ပြောင်းလာသော ကျောက်များ အားလုံးကို ဆိုလိုသည်။ ၄င်းကျောက်များတွင် နိုက်(စ်) (gneiss)၊ သျှစ် (schist)၊ သလင်းကျောက် (quartzite)၊ သင်ပုံးကျောက် (slate)၊ ဖီးလိုက် (phyllite) နှင့် စကျင်ကျောက် (marble) စသည်များ ပါဝင်လေသည်။ အသွင်ပြောင်းကျောက်များသည် တမံကြီးများ ဆောက်လုပ်ရန်အတွက် ယေဘုယျအားဖြင့် သင့်လျော်ပေသည်။ အသွင်ပြောင်းကျောက် အမျိုးအမည်များသည်နှင့် အမျှ တမံ အမျိုးအစားလိုက်၍ ဆောက်လုပ်နိုင်စွမ်း ရှိမရှိ စသည်မှာလည်း ကွဲပြားလေသည်။ ကျောက်တွင် ပါသော ချပ်လျားပြိုင် (foliations) များသည် ကျောက်၏ စွမ်းအင်ကို ပျော့စေ၍ ၄င်းတို့ တလျှောက်လိုက်၍ ကျေမွတတ်စေသည်။ အသွင်ပြောင်းကျောက် အချို့သည် တွန့်ခေါက်ခြင်း ဒဏ်အကြီးအကျယ် ခံရ၍ အက်ကြောင်းပြိုင်များ၊ ပြတ်ရွေ့များ၊ ပေါများလွန်း၍ တမံဆောက်ရန် မသင့်သည်ကို တွေ့ရလေသည်။ သလင်းကျောက်နှင့် နိုက်(စ်)များတွင် အက်ကြောင်းပြိုင်များတလျှောက် ရေ၀င်များတတ်၍ ၄င်းတို့ကို ပိတ်ဆို့နိုင်ပါက အလွန်လေးသော ၀န်ကို ခံနိုင်ရန်ရှိကြောင်း တွေ့ရ၏။ သျှစ်၊ ဖီးလိုက်နှင့် သင်ပုံးကျောက်များမှာ ကျေမွခြင်း နည်းပါက တမံဆောက်ရန် သင့်တော်သော်လည်း မိုးများသော အပူပိုင်း ဒေသဖြင်သော မြန်မာပြည်တွင် အများအားဖြင့် ကျောက်ချေမွခံရမှု နှုန်းများကာ ၄င်းတို့အပေါ်တွင် အများအားဖြင့် အပေါ်ယံ မြေထုကြီးမားကြောင်း တွေ့ရတတ်သည်။ စကျင်ကျောက်သည် အခြား ထုံးကျောက်များကဲ့သို့ တမံဆောက်ရန် ကောင်းသော အချက်နှင့် မကောင်းသော အချက်များ ရှိပါသည်။

အထက်ဖော်ပြပါ အသွင်ပြောင်းကျောက်များကို မန္တလေးခရိုင် ဆည်တော်ကြီး တမံနှင့် မော်လမြိုင်မြို့၊ နတ်တောင်တမံ နေရာများတွင် တွေ့ရှိ စမ်းသပ်ခဲ့ပါသည်။ ဆည်တော်ကြီး တမံ လက်ျာဖက်ပိုင်းတွင် မိုးကုတ်နိုက်(စ်)များ တွေ့ရှိရသည်။ ၄င်းကျောက်သည် အစေ့ကြီးသဖြင့် ကျေမွလွယ်လေသည်။ အပေါ်ယံတွင် အက်ပြိုင်များ ပေါများသော်လည်း တွင်းနက်၍ သွားလျှင် ကျောက်သည် ပို၍ လတ်ဆတ်လာကာ အက်ပြိုင်နည်းသွားသည်ကို တွေ့ရ၏။ သလင်းကျောက်နှင့် ပတ်မက်တိုက် (pegmatite) ကျောက်ကြောများကို ၄င်းကျောက်တွင် တိုးဝင်လျက် တွေ့ရ၏။ လွန်တူးရာတွင် မာကြော၍ အက်ကြောင်းပြိုင်များရာတွင် ရေပြန်မလာဘဲ စိမ့်တာနှုန်းများသည်ကို တွေ့ရ၏။ မြေပြန့်ပိုင်း ပြတ်ရွေ့ဇုံ အတွင်းတွင် ကျောက်မှာ ကျေမွနေသည်ကို တွေ့ရသော်လည်း ကျောက်တွင်ပါသော ဖယ်စပါ (feldspar) များသည် ကေအိုလင်း ရွံ့စေး (kaolin) အဖြစ် ပြောင်းလဲ နေသဖြင့် အက်ပြိုင်များ စေ့ကာ စိမ့်တာနှုန်း နည်းသည်ကို တွေ့ရ၏။
ဖီးလိုက် ကျောက်များကို ၄င်းတမံ လက်ဝဲဖက်တွင် ကျေမွလျက် တွေ့ရလေသည်။ ဖီးလိုက်ကျောက်တွင် သလင်းကျောက်နှင့် သင်ပုံးဆန်သော ကျောက်လွှာငယ်များ တွေ့ရလေသည်။ အလွန်ကျေမွသော ဖီးလိုက်ကျောက်များတွင် လွန်ဆံအူတိုင် ရနှုန်းသည် အလွန်နည်းလေသည်။ လွန်လှည့်သည်နှင့် ကျောက်များသည် အစိတ်စိတ် ကျေကွဲကုန်၏။ ထို့ကြောင့် အများအားဖြင့် တွင်းအမှတ် BH 5 တွင် လွန်စာမှုန့်များကို ကြည့်၍ ကျောက်မျိုးခွဲ ကြည့်ရလေသည်။ ဖီးလိုက်သည် ကျေမွ၍ ပြောင်းလဲသောအခါ ရွံ့စေးဆန်လာသဖြင့် စိမ့်တာနှုန်း နည်းလေသည်။ သို့သော် ၄င်းတို့တွင် လျှောဒေါင့် မြှောက်ကိန်းသည် နည်းတတ်လေသည်။ ဤကဲ့သို့သော ကျောက်အခြေအနေမျိုးတွင် စိမ့်တာနှုန်းကို (၁၀)ပေ တခါ စသည်ဖြင့် တူး၍ စမ်းသွားခြင်းဖြင့် တွင်းပြိုခြင်း၊ လွန်ကြပ်ခြင်း စသည်များ ကျော်လွှား သွားနိုင်ခဲ့သည်။
ကျေမွသော ဖီးလိုက်ကျောက်နှင့် သလင်းကျောက် စသည်များ အလွှာခြင်း ထပ်၍ တွေ့သော နေရာတွင် လွန်ဆံအူတိုင်အဖြစ် သလင်းကျောက်များသာ ရရှိတတ်လေသည်။ (ဥပမာ- ဆည်တော်ကြီး အမှတ် ၁၃-၁၄)။ ဤကဲ့သို့သော နေရာတွင် လွန်စာမှုန့်များနှင့် လွန်တူးနှုန်းများကို ဂရုစိုက်၍ ကြည့်ခြင်းဖြင့် ပျောက်သွားသော လွန်ဆံအူတိုင်၏ ကျောက်အမျိုးနှင့် အခြေအနေကို လေ့လာနိုင်ပေသည်။ ဖီးလိုက်ကျောက်များသည် ကျေမွခြင်းနည်းပါက လွန်ဆံအူတိုင် ရနိုင်ပါသည်။ စိမ့်တာနှုန်းစမ်းရာတွင် ကျောက်တွင် ပါသော အက်ပြိုင်များနှင့် ဖီးလိုက်နှင့် သလင်းကျောက်လွှာ နှစ်ခု အကြားမှ အက်ကြောင်းအတိုင်း ရေစိမ့်ဝင်တတ်သည်ကို တွေ့ရပါသည်။ တွင်းနက်သွားသည်နှင့်အမျှ ၀င်သောရေ၏ နှုန်းသည် လျော့ဆင်းသွားသည်ကို တွေ့ရ၏။
မော်လမြိုင်မြို့ နတ်တောင် တမံတွင် သလင်းကျောက်များ၌ သင်ပုံးကျောက်ထက် အက်ပြိုင်များသည်ကို တွေ့ရ၏။ ထို့ကြောင့် စိမ့်တာနှုန်းသည်လည်း ကွဲပြားသည်ကို တွေ့ရ၏။ ကျောက်များတွင် အက်ပြိုင်များ၍ တခုနှင့်တခု နီးကပ်ခြင်း၊ ကျောက်လွှာများ၏ ထုငယ်၍ မတူသော ကျောက်လွှာများ ထပ်ကာနေခြင်း၊ ကျောက်၏ အငိုက် (dip) ဒီဂရီများခြင်းကြောင့် လွန်တူးရာတွင် လွန်ကြပ်ခြင်းများ ဖြစ်တတ်ပါသည်။ အထူးသဖြင့် လွန်ရေပြန် မလာ၍ လွန်စာမှုန့်များ ပိတ်၍ ကြပ်ခြင်းနှင့် အငိုက်ဒေါင့် ဒီဂရီကြီးသော ကျောက်လွှာမှ ကျောက်စများ ပြုတ်ကာ ရှာထိုးဝင်လာခြင်းတို့ကြောင့် လွန်များ ကြပ်တတ်လေသည်။ တခါတရံ ကျောက်များ အခြေအနေကောင်းသော်လည်း လွန်တန်အကောက်ကို သုံးမိသဖြင့် လွန်တူးရာတွင် လွန်တန်ခါ၍ တွင်းနံရံမှ ကျောက်များ ပြုတ်ကာ ရှာထိုးဝင်တတ်ပါသည်။ ထို့ကြောင့် လွန်တန်များကို လွန်စက်ရွှေ့ရာ၌ ကုတ်အဖြစ် မသုံးမိရန် တားမြစ်ထားသင့်ပေသည်။
စိမ့်တာနှုန်း စမ်းသပ်ရာတွင် ကျောက်စွန်းများ ရှာထိုးများ ထွက်သောကြောင့် ပက်ကာချ၍ မရခြင်း၊ ဘောလုံးပက်ကာများ ကွဲခြင်း စသည့် နှောင့်နှေးမှုများ တွေ့ရတတ်သည်။ ထိုသို့သော အခြေအနေမျိုးတွင် တောက်လျှောက် လိုအပ်သည့် အနက်ထိ တူးပြီးမှ စိမ့်တာနှုန်း စမ်းခြင်းထက် အပိုင်းပိုင်းတူးပြီးမှ စမ်းသပ်ခြင်းသည် ပို၍ ခရီးရောက်ကြောင်း တွေ့ရသည်။ ဤကဲ့သို့ ကျောက်အခြေတွင် ရော်ဘာတုံး ပက်ကာများသည် ဘော့လုံးပက်ကာထက် အကြမ်းခံ၍ အသုံးပြုသင့်သည်။ အက်ပြိုင်များသော ကျောက်တွင် ရံဖန်ရံခါ စိမ့်တာနှုန်းစမ်းရာ၌ ကေစင်ပိုက်အတွင်းမှ ရေပြန်အန်ထွက်သည်ကို တွေ့ရတတ်၏။ ထိုအခါမျိုးတွင် ရော်ဘာပက်ကာ၏ အရှည်ကို တိုးပေးခြင်းဖြင့် ပြုပြင်ကာကွယ် နိုင်လေသည်။ ထိုအချိန်မှ မလုံလောက်သေးလျှင် ၄င်းပက်ကာ ကြပ်ရာနေရာသည် အက်ပြိုင်များ အလွန်များပြီး တခုနှင့် တခု ဖြတ်၍ ဖြစ်ပေါ်ခြင်း စသည်တို့ကြောင့် ဖြစ်တတ်ရာ ပက်ကာကြပ်သော အပိုင်းနေရာကို ယခင် စမ်းပြီးသော အထက်ပိုင်း (သို့မဟုတ်) အောက်ပိုင်းသို့ မြှင့်၍၄င်း၊ နိမ့်၍၄င်း နေရာပြောင်းပြီး စမ်းလျှင် အောင်မြင်သည်ကို တွေ့ရပါသည်။
အချုပ်အားဖြင့်ဆိုသော် အသွင်ပြောင်းကျောက်သည် အလွန် တွန့်ခေါက် ကျေမွခြင်း၊ အက်ပြိုင်များ၊ ပြတ်ရွေ့များအလိုက် ပြုန်းတီးမှုများခြင်း မရှိပါက လေးလံသော တမံ၏ ၀န်ကို ခံနိုင်ရည်ရှိသော ကျောက်များ ဖြစ်လေသည်။ စိမ့်တာနှုန်းသည် ၄င်းကျောက်များရှိ အက်ပြိုင်များ အပေါ် မူတည်၍ နည်းခြင်း၊ များခြင်းများ ဖြစ်ရာ ဘိလပ်မြေ စသည်ဖြင့် မှုတ်သွင်းဖာထေးခြင်းဖြင့် ပြုပြင်လွယ်သော ကျောက်များဖြစ်လေသည်။

အနည်ကျကျောက်များတွင် တွေ့ရသော အခက်အခဲများ

အနည်ကျကျောက်များကို အကြမ်းအားဖြင့် သဲကျောက်နှင့် ယှေလကျောက်များဟူ၍ ၂စုခွဲ၍ လေ့လာရပါမည်။ မြန်မာပြည် အလယ်ပိုင်းတွင် ဆောက်လုပ်ခဲ့သော တမံများနှင့် ဆောက်လုပ်ဆဲနှင့် ဆောက်ရန် စမ်းသပ်ဆဲ တမံများနေရာတွင် အနည်ကျကျောက်များကိုသာ အများအားဖြင့် တွေ့ကြုံရပေသည်။ သဲကျောက် သို့မဟုတ် ယှေလကျောက်များဟု တမျိုးတည်း သက်သက် မတွေ့ရဘဲ အများအားဖြင့် ၄င်းတို့ ၂မျိုးရော၍သာ တွေ့ရတတ်လေသည်။
သဲကျောက်ကို အင်ဂျင်နီယာ လုပ်ငန်းများ၌ ၄င်းတို့တွင်ပါသော အစေ့အကြီးအငယ်လိုက်၍ သဲကျောက်ကြမ်း၊ သဲကျောက်နု စသည်ဖြင့်၎င်း၊ အစေ့များကို စွဲကပ်ထားသည့် အင်္ဂတေ အမျိုးအစား (cementing materials) လိုက်၍ ထုံးပါသော သဲကျောက်၊ သံပါသော သဲကျောက်၊ နုံးပါသော သဲကျောက်ဟူ၍၄င်း ခေါ်တတ်၏။ သဲကျောက်တွင် ပါသော တွင်းထွက် အမျိုးကို လိုက်၍လည်း သလင်းများလျှင် သလင်း သဲကျောက်၊ ဖယ်လစပါများလျှင် အားကိုး(စ်) (arkose)၊ ဖဲရို မဂ္ဂနီးများလျှင် ဂရေးဝက်ကီ (greywacke)၊ လကြေးများလျှင် လကြေးပါသော သဲကျောက် စသည်ဖြင့် ခေါ်တတ်ပေသည်။
သဲကျောက်သည် အမျိုးအမည် များသည်နှင့်အမျှ ၄င်းတို့၏ ရုပ်ဂုဏ်သတ္တိသည်လည်း ကွဲပြားခြားနားလေသည်။ အများအားဖြင့် သဲကျောက်သည် ရေစသည်တို့ဖြင့် ထိ၍ ချက်ခြင်း ပြောင်းလွဲကျေမွခြင်း မရှိခြင်း၊ ရှောဒေါင့်မြောက်ကိန်း ကြီးခြင်း၊ ညီညာသော ၀န်ခံနိုင်ရည် ရှိခြင်း စသည်တို့ကြောင့် ကွန်ကရစ်တမံများပင် ဆောက်နိုင်၏။ သဲကျောက်၏ ညံ့ကွက်မှာ ယှေလကျောက်များဖြင့် ရော၍ လွှာခြင်းထပ် တွေ့ခြင်း၊ အက်ကြောင်းများရှိခြင်း၊ တွန့်ခေါက်ဖြစ်ပေါ်နေခြင်း၊ ကျောက်လွှာ၏ အငိုက် ဒီဂရီနည်းခြင်း စသည်များသည် တမံတည်ရာတွင် အခက်အခဲများ ဖြစ်လေသည်။
လွန်တူးစမ်းသပ်ရာတွင် သဲကျောက်များတွင် အခက်အခဲ မရှိလှပေ။ ကျောက်၏မာနှုန်းကို လိုက်၍ စိန်လွန်တူးသွား၊ တန်စတင်ကာ တိုက်လွန်သွားများ ပြောင်းလဲတတ်၍ တူးနိုင်သည်။ သဲကျောက်ပွများတွင် လွန်ဆံအူတိုင် ပျောက်တတ်၏။ အထူးသဖြင့် လွန်တူးရာတွင် ရေပေးများခြင်း၊ လွန်တန်ခါခြင်း စသည်တို့ကြောင့် လွန်ဆံအူတိုင် ပျောက်တတ်၍ သဲကျောက်နှင့် ယှေလကျောက်လွှာသေးများ ထပ်နေလျှင်လည်း ပျောက်တတ်လေသည်။ ပဲခူး ကျောက်စဉ်မှ သဲကျောက်မာများတွင် တွင်းအနက်လိုသမျှ တူးပြီးမှ စိမ့်တာနှုန်း စမ်းသပ်၍ ဖြစ်နိုင်သော်လည်း ဧရာဝတီ ကျောက်စဉ်စုမှ သဲကြမ်းပွ ကျောက်များတွင် လွန်တူးရာ၍ လွန်ရေပြန် တိုက်စားသောကြောင့် တွင်းအရွယ်ကြီးထွားခြင်း၊ တွင်းပြိုခြင်းများ စသော အခက်အခဲများ တွေ့ရတတ်သည်။ ထိုသို့သော အခြေအနေတွင် တွင်းကို ပေတိုတူးကာ စိမ့်တာနှုန်း စမ်း၍ ထို့နောက်ဆက်လက်တူးကာ တခါပြန်လည် စမ်းသပ်ခြင်းများ ပြုနိုင်ပါသည်။ မြင်းခြံခရိုင် ပြောင်းပြာတမံ နေရာတွင် ထိုကဲ့သို့ စမ်းရာတွင် စိမ့်တာနှုန်း စမ်းပြီးစတွင်း၏ နံရံများသည် ရေနူး၍ ပြိုကျသဖြင့် ပက်ကာကြပ်၍ မရသည်ကို တွေ့ရပါသည်။ ထိုအခါ ကေစင်ပိုက်ကို တွင်းအချေထိ အကြပ်ရိုက်ချခြင်း၊ ထိုသို့ ရိုက်မရပါက ကေစင် ရှုး (casingshoe) တပ်၍ လွန်ချကာ အောက်ချေနှင့် တပေခန့်နီးမှ အကြပ်ရိုက်ချပြီးလျှင် နောက် တပြန်အတွက် လွန်တူးကာ ၄င်းအပိုင်းအတွက် စိမ့်တာနှုန်းစမ်းရန် ပက်ကာကို မသုံးဘဲ ရေကို ကေစင်အတွင်း တိုက်ရိုက်ဖိအားနှင့် သွင်း၍ စမ်းရာ အောင်မြင်သည်ကို တွေ့ရပါသည်။ သို့သော် ဤနည်းသည် အထူးဂရုပြု၍ လုပ်ရပါသည်။ ကေစင်ပိုက်သည် မကြပ်ပါက စိမ့်တာနှုန်းများတတ်လေသည်။ အနည်ကျ ကျောက်များသည် ကျောက်အမျိုးလိုက်၍ စိမ့်တာနှုန်း နည်းတတ်သော်လည်း ကျောက်လွှာများနှင့် အက်ကြောင်းပြိုင်များ အကြားမှ ရေစိမ့်ထွက်တတ်သည်ကို တွေ့ရှိရပါသည်။
ယှေလကျောက်တွင် အစေ့နုအနည်ကျ ကျောက်အားလုံး ပါဝင်လေသည်။ အနည်ကျ ကျောက်များ၏ အစေ့အရွယ်လိုက်၍ ယှေလကို ရွံ့ကျောက်၊ သဲမှုံကျောက် (siltstone)၊ သဲကဲမှုံကျောက် (sandy siltstone) စသည်ဖြင့်လည်း ခွဲခြား ခေါ်ဝေါ်၏။ ယှေလ၏ အင်ဂျင်နီယာ ဂုဏ်သတ္တိများသည် ၄င်း၏ အစိုင်အခဲသို့ ပြောင်းခြင်း (solidification) ဒီဂရီပေါ် မူတည်၍ ကွဲပြားလေသည်။ လွန်တူးရာတွင် လွယ်ကူသော်လည်း လွန်တူးသမား မကျွမ်းကျင်လျှင် လွန်ဆံအူတိုင် ပျောက်သည့် နှုန်းများတတ်သည်။ ယှေလသည် စိုတလှဲ့ ချောက်တလှဲ့ ဖြစ်ခဲ့သော် ကျေမွ ပျက်စီးတတ်သည့်အပြင် အရောင်အဆင်း ပြောင်းခြင်း မြန်၍ လွန်ဆံအူတိုင်များကို ချက်ချင်း မှတ်တမ်းတင်ရလေသည်။
စိမ့်တာနှုန်း တိုင်းရာတွင် ယှေလသည် အလွတ်နည်းသည်။ လွန်တွင်းကို ပေတိုအပိုင်းများ တူး၍ စိမ့်တာနှုန်း စမ်းပြီးမှ ဆက်လက်တူးနည်းသ်ည တွင်ပြိုခြင်း၊ လွန်တံညှပ်ခြင်း စသည်များ ကင်းနိုင်သည်။ ယှေလတွင် လက်တူး မြေတွင်းများ တူးလျှင်လည်း စိုတလှဲ့ ချောက်တလှဲ့ ဒဏ်ကြောင့် ပြိုကျခြင်းများ မဖြစ်ရန် တွင်းကို ကာကွယ်ထားရမည်။
သဲကျောက်နှင့် ယှေလများ လွှာခြင်းထပ်၍ ဖြစ်ပေါ်နေပါက လွန်တူးရာနှင့် စိမ့်တာနှုန်း စမ်းရာတွင် တမျိုးစီ၏ စိမ့်တာနှုန်း ရရန် စမ်းသပ်ခြင်းထက် ခြုံ၍ စမ်းသပ်သည့် ပုံစံထုတ်ရာ၌ ပို၍ စိတ်ချရလေသည်။ အဘယ့်ကြောင့်ဆိုသော် လွှာထပ်များသော ကျောက်စုများတွင် စိမ့်တာနှုန်း စမ်းသပ်ရာတွင် ကုန်သောရေများသည် ကျောက်သားအတွင်းသို့ ၀င်သွားသည်ထက် လွှာထပ်ကြားနှင့် အက်ပြိုင်များ အလိုက် ၀င်ခြင်းက များသောကြောင့် ဖြစ်ပေသည်။

မြေနုတွင် (Alluvium) တွေ့ရသော အခက်အခဲများ

ဖူးကြီးတမံ၊ မဇင်းတမံ စသော တမံများ တည်ဆောက်ရန် စမ်းစစ်သောအခါ မြေနု ကျောက်နည် (alluvial deposit) ၏ ထုထည်သည် ကြီး၍ အောက်ခံကျောက် ထိ တမံအုတ်မြစ်ချရန် မဖြစ်နိုင်ပါ။ ထိုအခါ တမံကို မြေနုပေါ်တွင်သာ မြေသားတမံအဖြစ် တည်ရမည်ဖြစ်ရာ ၄င်းမြေနုကို အသေးစိတ် လွန်တူး လေ့လာရန် လိုအပ်လာတော့သည်။ မြေနုကျောက်နည်တွင် ပါသော မြေအမျိုးအစားများမှာ မြေစေး၊ သံ၊ သဲမှုံမှ စ၍ ကျောက်စရစ် ကျောက်လုံးကြီးငယ်များ ဖြစ်ကြလေသည်။ မြေနုကျောက်နည် အမျိုးအစားသည် ဇာတိကျောက် (parent rock) ၏ သဘာဝ ပေါ်တွင်သာမက ကျောက်နည်ထိုင်စဉ် ကာလက စီးဆင်းနေသော ရေ၏ အဟုံပေါ်တွင်ပါ တည်၍ ပြောင်းလဲနေသည်။ မြစ်၏ သမိုင်းစဉ် တလျှောက်တွင် ရေစီးခြင်း အဟုံ၊ ရေ၏ထုထယ် ပမာဏသည် မကြာခဏ ပြောင်းလဲ စီးဆင်းခဲ့ရာ မြေနု ကျောက်နည်များသည် ၄င်းတို့ အခြေအနေလိုက်၍ အလွှာအထပ် အမျိုးမျိုး ဖို့ချခြင်းများ ဖြစ်ပေါ်လာလေသည်။ ကျောက်တုံးနှင့် သဲကြမ်းလွှာများသည် ရေထုအားကြီး၍ အဟုံပြင်းသော ကာလအတွင်း ပို့ချ၍ သဲနု သဲမှုံနှင့် မြေဆွေးများသည် ရေအားနည်းသော အချိန်တွင် ပို့ချကြသည်။ ရေစီးအဟုန် ပြင်းသော ကာလ၌ ရေစီးကြောင်းလွှာကြီး အင်များ (current beddings) ဖြစ်ပေါ်၍ မှန်ကူပုံ သဲနုနှင့် သဲကြမ်းစုများ (lenses of fine and coarse sand) သည် ပို့ချပုံ မညီညာသော ကာလတွင် ဖြစ်ပေါ်နေသည်။ ပို့ချပြီး အလွှာများသည် မကြာမကြာ ပြန်လည် တိုက်စား၍ အသစ်တဖန် ပြန်လည် ပို့ချခြင်းများ ဖြစ်ပေါ်ခဲ့လေသည်။
ထို့ကြောင့် မြေနု ကျောက်နည်များသည် စိမ့်တာနှုန်း မတူညီသော အလွှာများ ပါဝင်၍ အချို့နေရာတွင် ကွက်ပြီး ညီညာခြင်းများ တွေ့ရ၏။ အမျိုးတူသော မှန်ကူပုံ သဲစုများတွင် စိမ့်တာနှုန်း တူညီသည်ကိုလည်း တွေ့ရမည်။ ဇာတိကျောက်၏ တွင်းထွက် အမျိုးအစားသည် မြေနုကျောက်နည်တွင် ပါဝင်နေသော ကျောက်အစေ့လေး၏ ပုံပန်းသဏ္ဍာန်ကို စိုးမိုးလျက်ရှိပြန်၏။ အချပ်ပုံသဏ္ဍာန်ရှိသော တွင်းထွက်များသည် အနည်ကျသောအခါတွင် စိမ့်တာနှုန်းသည် အလွှာအတိုင်း စီးပါက များ၍ အလွှာဖြတ် စီးပါက နည်းပေမည်။
လွန်တူး စမ်းသပ်ရာတွင် အထက်ဖေါ်ပြပြီးသော ကျောက်များမှာကဲ့သို့ စိန်လွန်သွားစသည် တပ်၍လှည်ပတ်တူးလျှင် လွန်အံအူတိုင် လုံးဝမရနိုင်ပါ။ မြေနုကျောက်နည်သည် လွန်တူးရာတွင် သုံးသော ရေဖြင့် ဖျော်ထုတ်သကဲ့သို့ ကျေပျက်သွားတတ်၏။ မြေစေးအနည်းငယ်ပါလျှင် လွှသွားဖော်ထားသော တန်စတင်ကာဘိုက်လွန်သွား (သို့မဟုတ်) လွှသွားဖေါ်ထားသော သံမဏိပြွန် တပ်၍ အလေးနှင့် ရိုက်ချကာ တူးခြင်းဖြင့်လည်း ရနိုင်ပါသည်။ မြေစေးမပါသော သဲလွှာများတွင် မြေစာလျှောကျ မကျန်ရစ်ရန် လွန်ဆံဖမ်း ကရိယာ (core catcher) ပါသော နမူနာယူပြွန်များကို အသုံးပြု ရလေသည်။
စိမ့်တာနှုန်း တိုင်းရန် အထက်ပါ နည်းအတိုင်း ညီညာသော လွန်တွင်းတူးပြီး ရေမှုတ်သွင်း စမ်းသပ်ရပါသည်။ မြေနုကျောက်နည်သည် ကျောက်မာများကဲ့သို့ လိုအပ်သည့် အနက်ထိ တူးပြီးမှ ရေမှုတ်သွင်း စမ်းသပ်ရန် မဖြစ်နိုင်ပါ။ လွန်ရေပြန်ကြောင့် တွင်း၏ အချင်းသည် ကျယ်သွားခြင်း၊ သဲများသော အပိုင်းတွင် ပြိုကျခြင်း၊ ရေထိ ၍ မွသော ရွှံ့စေးအပိုင်းတွင် တွင်းအတွင်းသို့ ရွှံ့မြေပွ ၀င်လာခြင်း စသော အဖြစ်မျိုးများ ကြုံတတ်ရာ ပေတိုတူး၍ တဖက်ပိတ် ဘော့လုံး ပတ်ကာနှင့် စမ်းသပ်ခြင်းများ ပြုလုပ်ရပါသည်။ တခါတရံ ကေစင်ပိုက်ကို ဒရိုက်ဖင်းရှူး (driving shoe) တပ်၍ အကြပ်ရိုက်ကာ စမ်းသပ်ခြင်းများ ပြုလုပ်နိုင်ပါသည်။ သဲများ၍ တွင်းပြိုပြီးလျင် တပေခန့် ညီညာသော တွင်းမရနိုင်လျှင် တဖက်ဖွင့် စမ်းနည်းဖြင့် စိမ့်တာနှုန်း စမ်းယူနိုင်ပါသည်။ မြေနုကျောက်နည်တွင် ရေဖိအားသုံး၍ စိမ့်တာနှုန်း စမ်းရာတွင် ပဌမ စတုရန်းတလက်မလျှင် (၅)ပေါင် သို့မဟုတ် (၁၀)ပေါင် ဖိအားသုံး၍ သွင်းစဉ် ရေ၀င်နှုန်းမှန်မှန်နှင့် နည်းနည်းဝင်သည်ကို တွေ့ရ၍ ၄င်းမှတဆင့် တက်၍ စတုရန်းတလက်မလျှင် ပေါင် (၂၀)နှုန်း ဖိအားသွင်းသော အခါ သို့မဟုတ် ပေါင် (၃၀)နှုန်း ဖိအားနှင့် သွင်းသောအခါ ရေသည် မှန်မှန် ၀င်ရာမှ အဆများစွာ တိုးတက် ၀င်သွားခြင်းမျိုး ဖြစ်တတ်လေသည်။ ထိုသို့ ဖြစ်ရသည်မှာ ရေသည် မြေနုကျောက်နည်၊ ကျောက်သားအတွင်းသို့ ၀င်ရုံမကဘဲ ၄င်းကျောက်နည်၏ အလွှာများကို ပင့်မကာ တိုးဝင်သွားသောကြောင့် ဖြစ်နိုင်လေသည်။ ၄င်းအချက်သည် မြေနုကျောက်နည်တွင် ဘိလပ်မြေ၊ ရွှံ့စေး သို့မဟုတ် ဓာတုဗေဒနည်းဖြင့် ဖာထေးပိတ်ဆို့ခြင်း (cernent clay or chemical grouting) ပြုလုပ်ရန်အတွက် လိုအပ်သော ဖိအားနှုန်းကို သိရပါသည်။
အောက်ခံရေပြင်မြင့်သော မြေနုကျောက်နည်တွင် စိမ့်တာနှုန်းကို ရေဖိအားဖြင့် မှုတ်သွင်းနည်းထက် ရေစုတ်ထုတ်၍ စမ်းနည်းသည် တမံအောက်ခံမြေ၏ ယေဘုယျ စိမ့်တာနှုန်းကို ခြုံ၍ သိနိုင်သော နည်းဖြစ်သည်။ အထက်တွင် ဖော်ပြပြီး ဖြစ်သည့်အတိုင်း ရေစုတ်ထုတ် တိုင်းတာနည်းသည် ရေစုတ်သော တွင်း၏ ပတ်လည်၌ စောင့်ကြည့်သွင်း (observation wells) များ တူး၍ အောက်ခံရေပြင် ကျသွားသည့် နှုန်းကို တိုင်းယူခြင်းဖြင့် စိမ့်တာနှုန်းတွက်ချက် ယူနိုင်သည့် အပြင် မြေအောက်ရေ၏ သဘာဝအတိုင်း စီးသွားသည့် အရပ်၊ ရေလှောင်အားမြှောက်ကိန်း (coefficient of storage) နှင့် ရေသွယ်နှုန်းမြှောက်ကိန်း (coefficient of transmission) စသည်များကိုပါ တွက်ချက် ယူနိုင်ပါသည်။ ဤကဲ့သို့ ရေစုတ်ထုတ်၍ စမ်းသပ်သော နည်းကို အောက်ခံရေပြင်မြင့်သော နေရာတိုင်း၌ ကျောက်မာသည် ပျော့သည့် ပဓာန မဟုတ်ဘဲ စမ်းသပ်နိုင်ကြောင်း တွေ့ရှိရပေသည်။
နိဂုံးအားဖြင့် တမံ အောက်ခံမြေနှင့် ကျောက်တို့၏ ကျောက်နေထား၊ ၄င်းတို့ ရုပ်ဂုဏ်သတ္တိများ၊ စိမ့်တာနှုန်း စသော အချက်အလက်များကို လွန်တူး စမ်းသပ်ရာတွင် ငွေကုန် ကြေးကျသည် အလွန်များလေရာ တူးပြီးသမျှသော ပေမှ ပုံစံထုတ်ရန် အတွက် အချက်အလက်များ အားလုံး ရယူနိုင်ရပေမည်။ လွန်တူးရာတွင် တွေ့ရှိရမည့် အခက်အခဲများနှင့် စိမ့်တာနှုန်း စမ်းသပ်ရာတွင် တွေ့ရမည့် အခက်အခဲများကို ကျောက်နှင့် မြေအမျိုးလိုက်၍ ဖြစ်တတ်သည်များကို တင်ကြို ခန့်မှန်းထား၍ လုပ်ဆောင်သွားခြင်းဖြင့် စမ်းသပ်မှုကို အချိန်မီ ပြီးနိုင်ခြင်း၊ ကုန်ကျသမျှ စရိတ်သည် အကျိုးရှိနိုင်ဆုံးသော အချက်အလက်များ ရနိုင်ခြင်း စသော အကျိုးကျေးဇူးများ ရမည်မှာ မလွဲပေ။

(အပိုင်း ၁ ကို ပြန်လည် ဖတ်ရှုရန်)

Scridb filter

Myanmar Geologists Society Singapore (MGSS) ၏ webpage

admin — Tue, 17 Aug 2010 11:49:26 +0000

မြန်မာနိုင်ငံ၏ ဘူမိဗေဒကျောင်းဆင်းများ အများဆုံး ရောက်ရှိနေသည့် စင်ကာပူနိုင်ငံတွင် Myanmar Geologists Society Singapore (MGSS) ကို စတင်ဖွဲ့စည်းပြီးသည့် နောက်ပိုင်း အရှိန်အဟုန် ကောင်းကောင်းဖြင့် လှုပ်ရှားလျက်ရှိရာ ယခု ထပ်မံ၍ MGSS ၏ webpage ကို လွှင့်တင်လိုက်ခြင်းဖြင့် စင်ကာပူနိုင်ငံတွင် ရောက်ရှိနေသော ဘူမိဗေဒကျောင်းဆင်းများ အနေဖြင့် အသင်းကြီး၏ ဆောင်ရွက်မှုများကို လျင်မြန်စွာ သိရှိနိုင်ပြီး အသင်းနှင့် ပိုမိုနီးစပ်မှုများ ရရှိ စေနိုင်မည် ဖြစ်ပေသည်။
အဆိုပါ webpage တွင် အသင်း၏ စာတမ်းဖတ်ပွဲများနှင့် အခြားသတင်းအချက်အလက်များကို အလွယ်တကူ သိရှိနိုင်ရန် လွှင့်တင်ပေးထားပြီး အသင်းဝင်လိုသူများအတွက် အသင်းဝင်နိုင်ရန် စီစဉ်ပေးထားသည်ကို တွေ့ရှိရသည်။ လိုအပ်သည့် အချက်အလက်များကို စုံစမ်းနိုင်ရန်နှင့် အသင်းအား ဆက်သွယ်လိုပါက enquiry@mgss.org.sg သို့ဆက်သွယ်နိုင်ပြီး အသင်းရုံးခန်းတည်ရှိရာ Peninsula Plaza, #03-27, 111 North Bridge Road 179098 ၏ လမ်းညွှန်မြေပုံကိုလည်း ထည့်သွင်းပေးထားပါသည်။
Myanmar Geologists Society Singapore (MGSS) အသင်း၏ လှုပ်ရှားဆောင်ရွက်မှုများသည် စင်ကာပူရောက် ဘူမိဗေဒကျောင်းဆင်းများအတွက် အထောက်အကူပြု များစွာရစေနိုင်ပြီး အသင်းဆက်လက် ရှင်သန်အောင်မြင်မှုများကို ရည်သန်ရင်း MGSS ၏ webpage ဖြစ်သည့် http://www.mgss.org.sg အား geolfriends အဖွဲ့သားများမှ ၀မ်းမြောက်ဝမ်းသာစွာ ကြိုဆိုလိုက်ရပါသည်။

Scridb filter

မြန်မာပြည်အတွင်း တာတမံများနေရာတွင် မြေလွှာအောက်စမ်းသပ်ရာ၌ တွေ့ရှိရသော အခက်အခဲများ (အပိုင်း-၁)

admin — Mon, 09 Aug 2010 12:46:34 +0000

ဦးစန်းလွင် (ဓာတ်သတ္တုထုတ်လုပ်ရေး ကော်ပိုရေးရှင်း)

(ဤစာတမ်းတွင် ဘူမိဗေဒအင်ဂျင်နီယာ၏ မြို့ပြအင်ဂျင်နီယာ လုပ်ငန်းများနှင့် ပတ်သက်၍ ယေဘုယျ တာဝန်များနှင့် တမံတည်ရန်နေရာတွင် လေ့လာ စမ်းသပ်ပေးရမည့် တာဝန်များကို အကျဉ်းဖော်ပြထားပါသည်။ ထို့နောက် တမံနေရာတွင် လွန်တူး၍ မြေအောက်အခြေအနေကို လေ့လာရာတွင် တွေ့ရှိရသော လက်တွေ့ အခက်အခဲများ၊ လွန်တွင်းများ အတွင်းစိမ့်တာနှုန်း စမ်းသပ် တိုင်းတာရာတွင် တွေ့ရသော အခက်အခဲများနှင့် ကျောက်နှင့် မြေအမျိုးအစားလိုက်၍ လွန်တူးနည်းနှင့် စိမ့်တာနှုန်း စမ်းသပ်နည်းများကို တင်ပြထားပါသည်။ အသေးစိတ် အနေဖြင့် (က) ဂရက်နစ်၊ (ခ) သွင်ပြောင်း ကျောက်များ၊ (ဂ) အနည်ကျ ကျောက်များနှင့် (ဃ) မြေနုကျောက်နည်များတွင် တွေ့ရသော အခက်အခဲများနှင့် ၄င်းတို့ကို ကျော်လွှားသွားပုံကို ဆွေးနွေးထားပါသည်။)

နိဒါန်း

လွတ်လပ်ရေး ရပြီးသည့်နောက် ပြည်ထောင်စု မြန်မာနိုင်ငံတွင် မြို့ပြ အင်ဂျင်နီယာ လုပ်ငန်းကြီးများ ဖြစ်သော တာ၊ တမံ၊ ရေလှောင်ကန်နှင့် ဟိုက်ဒရောလစ် အဆောက်အဦ hydraulic structures များ တိုးတက်ဆောက်လုပ် လာသည်ကို တွေ့ရလေသည်။ ဆောက်လုပ်သည့် အဆောက်အအုံများသည် ကြီးမားလာသည့် အလျှောက် ၄င်းတို့ ဆောက်လုပ်မည့် နေရာ၏ အင်ဂျင်နီယာဘူမိဗေဒ အခြေအနေကိုလည်း ပို၍ တိကျစွာ သိရှိနားလည်ရန် လိုအပ်လာသည်ကို တွေ့ရပါသည်။ ထို့ကြောင့် စစ်ကြိုခေတ် အခါကကဲ့သို့ ဘူမိဗေဒပညာရှင်များ (geologists) ကို ရံဖန်ရံခါ သက်ဆိုင်ရာ လုပ်ငန်းနှင့် ပတ်သက်၍ အကြံပေးရန် ခေါ်ယူ သုံးစွဲလာရာမှ ပိုမို ကျွမ်းကျင် တတ်မြောက်သော ဘူမိဗေဒအင်ဂျင်နီယာများ (engineering geologists) ကို အချိန်ပြည့် အသုံးပြုလာသည်မှာ မကြာသေးပေ။ ထိုသို့ အသုံးပြုလာကြခြင်းမှာလည်း တနေ့ထက်တနေ့ ဘူမိဗေဒအင်ဂျင်နီယာ ပညာရပ်သည် တိုးတက်လာ၍ သက်ဆိုင်ရာ ပညာရှင်များကလည်း ၄င်းတို့ တွေ့ရှိသော ဘူမိဗေဒ အင်ဂျင်နီယာ အခြေအနေကို မြို့ပြအင်ဂျင်နီယာများ သိရှိနားလည်နိုင်သော နည်းများဖြင့် တင်ပြတတ်ခြင်း၊ အခက်အခဲကို ကူညီဖြေရှင်းနိုင်ခြင်း စသည်တို့ကြောင့် မြို့ပြအင်ဂျင်နီယာများ၏ ယုံကြည်မှု ရယုံမျှမကဘဲ ပူးတွဲ ဆောင်ရွက်ရန် နားလည်မှုများ ရရှိခဲ့လေသည်။ ထို့ကြောင့် ယခုအခါ ဆောက်လုပ်ရေး လုပ်ငန်းများအတွက် ပုံစံထုတ်ရာတွင်၎င်း၊ တည်ဆောက်ရာတွင်၎င်း၊ ထိန်းသိမ်း စောင့်ရှောက်ရာတွင်၎င်း၊ စရိတ်စက ပိုမို သက်သာလာကာ ပို၍ စိတ်ချခိုင်ခန့်သော အဆောက်အဦများ တည်ဆောက်နိုင်သော အကျိုးများ သက်ရောက် လာသည်ကို တွေ့ရလေသည်။
ဤစာတမ်းသည် ထိုသို့ ပူးတွဲဆောင်ရွက်ခဲ့ရာမှ အစ တာတမံများ တည်ဆောက်ရေးနှင့် ပတ်သက်၍ မြန်မာပြည်အတွင်း လက်တွေ့ လေ့လာ စမ်းသပ်ရာတွင် တွေ့ရှိခဲ့သော အတွေ့အကြုံများကို အလေးပေး ဆွေးနွေးထားပါသည်။ ဤစာတမ်းသည် စုံစေ့ပြီဟု မယူဆနိုင်သော်လည်း အလုပ်နယ်ပယ်သို့ အသစ် ၀င်ရောက်လာကြမည် ဖြစ်သော ဘူမိဗေဒအင်ဂျင်နီယာများသည် ကွင်းဆင်းရာတွင် လက်တွေ့ အခက်အခဲများကို ကျော်လွှား သွားနိုင်ရန် အထောက်အကူ ပေးနိုင်မည်မှာ မလွဲပေ။

ဘူမိဗေဒ အင်ဂျင်နီယာ၏ တာဝန်များ

မြို့ပြ အင်ဂျင်နီယာ လုပ်ငန်းများနှင့် ပတ်သက်၍ ဘူမိဗေဒ အင်ဂျင်နီယာ၏ တာဝန် ၀တ္တရားများကို ဦးစွာ ပဌမ တင်ပြ ဆွေးနွေးလိုပါသည်။ ဘူမိဗေဒ အင်ဂျင်နီယာသည် မြို့ပြ အင်ဂျင်နီယာ လုပ်ငန်းကြီးများ တည်ဆောက်နိုင်ရန်အတွက် အောက်ပါ လုပ်ငန်း (၆)ချက်ကို လုပ်ဆောင်ပေးရပါမည်။

၁။ ဆောက်လုပ်ရေး လုပ်ငန်းများ တည်ရှိမည့် နေရာနှင့် ၄င်းလုပ်ငန်းနှင့် တနည်းမဟုတ်တနည်း မပတ်သက်မည့် ပတ်ဝတ်းကျင်ဒေသ၏ ယေဘုယျ ဘူမိဗေဒ အခြေအနေ လေ့လာတင်ပြရန်။
၂။ တည်ဆောက်မည့် နေရာ ရွေးချယ် သတ်မှတ်ပေးရန်။
၃။ ဆောက်လုပ်မည့် နေရ၏ မြေပေါ်မြေအောက် ဘူမိဗေဒ အခြေအနေကို အသေးစိတ် လေ့လာ၍ ၄င်းအခြေအနေကြောင့် ပုံစံထုတ်ခြင်းနှင့် ဆောက်လုပ်ခြင်းများတွင် တွေ့ရှိရမည့် အခက်အခဲများကို တင်ပြ၍ ၄င်းတို့ကို ပြုပြင်ကာကွယ် နိုင်ရန် အကြံပေးရန်။
၎။ လိုအပ်သော ဆောက်လုပ်ရေး ကုန်ကြမ်းပစ္စည်းများကို အနီးဆုံး နေရများမှ ရှာဖွေပေးရန်။
၅။ ဆောက်လုပ်နေစဉ် အတွင်း တွေ့ရှိလာသော အခက်အခဲများကို ကူညီ ဖြေရှင်းပေးရန်။
၆။ တည်ဆောက်ပြီးသော အခါတွင် တည်ဆောက်ခြင်းကြောင့် ဖြစ်ပေါ်လာသော ကိစ္စများကို ကူညီ ဖြေရှင်းပေးရန်
စသည်တို့ဖြစ်ပါသည်။

ဤစာတမ်း၏ အဓိက ရည်ရွယ်ချက်သည် အထက်အချက် (၃)ပါ လုပ်ငန်းများအနက်မှ တစိတ်တဒေသသော လုပ်ငန်းအား လုပ်ဆောင်ရာတွင် တွေ့ရှိသော လုပ်ငန်းခွင် အခက်အခဲ အချို့ကိုသာ တင်ပြထားခြင်း ဖြစ်ပေသည်။ အချက် (၃)ပါ လုပ်ငန်းရပ်များကို အောက်ပါအတိုင်း ခွဲခြားထားနိုင်ပါသည်။

(က) တည်ဆောက်မည့် နေရာတွင် တွေ့ရှိရမည့် အောက်ခံ ကျောက် (bed rock) အမျိုးအစား၊ ၄င်းအားတွေ့ရှိရမည့် အနက် ပေ၊ ၄င်း၏ ယေဘုယျ အနေအထားတို့ကို လေ့လာခြင်း။
(ခ) ဖယ်ရှား ပစ်ရမည့် အပေါ်ယံ မြေ၏ ထုထည် ပမာဏကို စုံစမ်းခြင်း။
(ဂ) ရေစိမ့်နိုင်၍ အလေးဒဏ် မခံနိုင်သော ကျောက်များ၏ အရည်ပျော်နိုင်သော ကျောက်များ ရှိ-မရှိ လေ့လာခြင်း။
(ဃ) ထူးပေါက်ခြင်း (piping) ဖြစ်ပေါ်လာနိုင်သည့် မြုတ်ကွယ်နေသော ချောင်းဟောင်းနေရာများ၊ ကျောက်လုံးနှင့် သဲကြမ်း ရောရာ အလွှာများရှိ-မရှိ စုံစမ်းခြင်း။
(င) ပြန်ရွေ့ (faults) များ ရှိ-မရှိနှင့် ၄င်းတို့အား ရှောင်ရှား၍ မတည်ဆောက်နိုင်ပါက ၄င်းတို့ကို မည်ကဲ့သို့ ပြုပြင်ယူရမည်ကို လေ့လာတင်ပြခြင်း။
(စ) အောက်ခံ ကျောက်တွင် ရှိသော ပြတ်ရွေ့များ၊ အက်ပြိုင် (joints) များ၊ ဆတ်ဆတ်ကြေမွဇုံများ (shatterd zones)၊ ရှီးယာဇုံ (shear zones) များ၏ အခြေအနေနှင့် ၄င်းတို့၏ အ၀များ အကျယ်နှင့် တခုနှင့်တခု အကွာဝေးများ လေ့လာခြင်း။
(ဆ) အောက်ခံကျောက်၏ ကျောက်ချေမွခံရခြင်း အဆင့်များ (weathering stages) အောက်ခံကျောက် အမျိုးအစားနှင့် ၄င်းတို့နှင့် မြေမျက်နှာသွင်ပြင် (physical features) တို့ ဆက်စပ်ပုံကို လေ့လာခြင်း။
(ဇ) တမံအောက်ခံ မြေနှင့် ကျောက်၏ စိမ့်တာနှုန်း တိုင်းတာခြင်း။
(ဈ) မြေအောက်ရေ အခြေအနေ လေ့လာခြင်း စသည်တို့ ဖြစ်လေသည်။

လွန်တူးခြင်း

တမံများ တည်ဆောက်မည့် နေရာတွင် မြေလွှာအောက် စမ်းသပ် လေ့လာရန်အတွက် လွန်တူးခြင်း လုပ်ငန်းသည် အဓိက အရေးပါသော လုပ်ငန်းတရပ်ဖြစ်ပေသည်။ လွန်တူးခြင်းဖြင့် မြေလွှာအောက်ရှိ ဘူမိဗေဒ အခြေအနေ၊ ကျောက်များ၏ အနေအထားနှင့် ၄င်းတို့ အတွင်းမှ စိမ့်ယိုသွားမည့် ရေ၏ ထုထည် ပဏာမစသည်များကို လေ့လာနိုင်ပေမည်။ လွန်တူးစမ်းသပ်ခြင်းသည် ကျောက်များ မာကြောသည်နှင့်အမျှ စရိတ် အကုန်အကျ များပြားရာ တူးသမျှ အနက်ပေမှ ဖြစ်ပေါ်နေသော အခြေအနေကို လေ့လာသိရှိမှသာလျှင် စရိတ် ကုန်ရကျိုး နပ်ပေမည်။ ထို့ကြောင့် တူးသမျှ ပေမှ လွန်ဆံအူတိုင် (core) ရာခိုင်နှုန်း ပြည့် ရရန် လိုအပ်လေသည်။ ထိုသို့ ရရန်မှာ လွန်တူးသမား၏ ကျွမ်းကျင်မှုပေါ်တွင် ရာကိုက်နှုန်းများများတည်၍ လွန်တူးစက်၏ စွမ်းအား၊ အသုံးပြုသော ကရိယာ တန်ဆာပလာ အမျိုးအစားနှင့် ဖြစ်ပေါ်နေသော ကျောက်လွှာများ အနေအထားပေါ်တွင် ကျန်ရာကိုက်နှုန်းများ တည်ရှိပါသည်။ လွန်ဆံအူတိုင် ရာခိုင်နှုန်းပြည့် ရမှသာလျှင် အောက်ခံ ကျောက်၏ ရုပ်သတ္တိနှင့် နေထား (physical properties and structures) တို့ကို သိရှိနိုင်ပေမည်။ စိမ့်တာနှုန်းတိုင်း၍ ရသော အချက်အလက်များနှင့် လွန်ဆံအူတိုင်တွင် တွေ့ရှိလေ့လာရသော ကျောက်နှင့် မြေတို့၏ ရုပ်သတ္တိစသည်များကို နှိုင်းယှဉ် လေ့လာခန့်မှန်းရန် လိုအပ်လေသည်။ သို့မှသာ ဖြစ်ပေါ်နေသော အခြေအနေနှင့် တည်ဆောက်လိုသော အဆောက်အဦတို့ကို မည်သို့ ပြုပြင် တည်ဆောက်ရမည်ကို တင်ပြနိုင်ပေမည်။
လွန်တူးရာတွင် စံအားဖြင့် ၂လက်မ လွန်ဆံ အူတိုင်ရ၍ လွန်တွင်း ၃လက်မထွင်းရသော NX အရွယ်လွန်စာအိမ် (core barrel) တပ်၍ တူးကြလေသည်။ လွန်စာအူတိုင် ရာခိုင်နှုန်းပြည့် မရသောအခါ ကျောက်လွှာသည် အစိတ်စိတ် ကွဲအက်နေ၍လော၊ လွန်စာအချင်းချင်း ကြိတ်မိ၍ ပြုန်းတီးကုန်၍လော၊ လွန်စာအိမ် ကြပ်ပိတ်၍လော၊ လွန်တူးရေတွင် ပျော်၍ သွားကုန်သောကြောင့်လော ဟူ၍ တိတိကျကျ ခွဲခြား သိရန် လိုအပ်ပေသည်။ သို့မှသာ မိမိ ခန့်မှန်းတွေးထင်ချက်သည် ဖြစ်ပေါ်နေသော အခြေအနေနှင့် ကိုက်ညီပေလိမ့်မည်။ လွန်စာပျောက်ခြင်းကို လွန်တွင်းအရွယ် ကြီးပေးခြင်းဖြင့်၎င်း မြေအခြေအနေ အမျိုးအစား အလိုက် လွန်တူးနည်းပြောင်း၍ ၄င်း၊ လွန်တူးကရိယာ လွဲပြောင်း၍၄င်း တူးယူနိုင်ပေသည်။ လွန်တွင်းကို ၆ လက်မမှ ၃၆ လက်မထိ ကြီး၍ တူးနိုင်လေသည်။ အရွယ်ကြီးသည်နှင့် အမျှ စရိတ်ကြီးလေရာ ယခုအခါ ၃လက်မ လွန်တွင်းသည် သာမန်အားဖြင့် စံထားသော အရွယ်ပင် ဖြစ်ပါသည်။

စိမ့်တာနှုန်းတိုင်းတာခြင်း

တမံတည်ဆောက်မည့် နေရာမှ စိမ့်ယိုထွက်မည့်ရေ၏ ထုထယ် ပမာဏကို ခန့်မှန်းနိုင်ရန် လွန်တွင်း အတွင်းသို့ အနည်းဆုံး တမံတည်ဆောက်ပြီးသော အချိန်၌ အမြင့်ဆုံး ရှိလာမည့် ရေ၏ ဖိအားနှင့် တူညီသော ဖိအားဖြင့် ရေကို မှုတ်သွင်း၍ စိမ့်တာနှုန်းကို ခန့်မှန်း တွက်ချက်ရလေသည်။ ယခုအချိန်ထိ Unit States Bureau of Reclaimation ထုတ် Earth Manual 1960 edition တွင် ဖော်ပြထားသော စမ်းသပ်နည်း အမှတ် Designation E-18 Packer Test နှင့် အမှတ် Designation E-18 Open-End Test တို့ကို အသုံးပြု၍ စိမ့်တာနှုန်း ခန့်မှန်း ပါသည်။ ပဌမနည်းတွင် အချင်းညီညာသော လွန်တွင်းတူး၍ ၄င်းတွင်းကို စင်ကြယ်စွာဆေးပြီးလျှင် အောက်မှ အထက်သို့ တပိုင်းပြီးတပိုင်း ၂ဖက်ဆို့ ပက်ကာ double packers ဖြင့် ပိုင်း၍ လိုအပ်သော ဖိအား ထိရေကို မှုတ်သွင်းစမ်းသပ်ရလေသည်။ ဤ နည်းတွင် မှတ်သားရမည်မှာ တွင်း၏ အချင်းပမာဏ၊ စမ်းသပ်သော အစိတ်အပိုင်း၏အရှည်၊ ရေမစမ်းမီ ရေနေအကွာအဝေး၊ အသုံးပြုသော ဖိအား၊ တမိနစ်အတွင်း ရေ၀င်နှုန်း၊ ရေနေမရှိပါက စမ်းသပ်သော အစိတ်အပိုင်း၏ အလယ်မှ မြေပေါ်တွင်းထိပ်ရှိ ဖိအားတိုင်း ကရိာထိ အကွာအဝေးနှင့် အောက်ခံရေပြင် water table ရှိပါက ၄င်းမှ တွင်းထိပ်ရှိ ဖိအားကရိယာ အထိ အကွာအဝေးတို့ ဖြစ်ပါသည်။ ဤအချက်အလက်များ ရပြီးလျှင် စိမ့်တာနှုန်းကို တွက်ချက်ယူရလေသည်။
ရံဖန်ရံခါ လွန်တွင်းကို အခြေအနေအရ လိုအပ်သော အနက်အထိ အပြီး မတူးဘဲ တကြိမ်လျှင် (၅)ပေမှ (၂၀)ပေထိ မြေနှင့် ကျောက်အခြေအနေကို လိုက်၍ တူးပြီးလျှင် ၄င်းအပိုင်းကို တဖက်ဆို့ ပက်ကာ တင်၍ ၄င်းအောက်ကို အားလုံးဖွင့်စမ်းခြင်း ဖြစ်သည်။ စိမ့်တာနှုန်း တွက်နည်းမှာ အထက်ပါ နှစ်ဖက်ဆို့ ပက်ကာ နည်းအတိုင်း ဖြစ်ပါသည်။ စိမ့်တာနှုန်းတိုင်းပြီးလျှင် လိုအပ်သော ပေရှည်ထပ်တူး၍ ၄င်းအား တခါ ပြန်လည် စမ်းသပ်နိုင်ပါသည်။ နှစ်ဖက်ဆို့ ပက်ကာသည့် ကျောက်မာများတွင် အသုံးများ၍ တဖက်ဆို့ ပက်ကာသည့် မြေပျော့သော တွင်းတိုများတွင် အသုံးပြုရပါသည်။ ပက်ကာအမျိုးအစားမှာ ၀က်အူရစ်ဖြင့် ဖိ၍ ထားသော ကြက်ပေါင်စေးတုံး (၀ါ) ရော်ဘာတုံး ပက်ကာနှင့် လေဖြင့် ဖောင်းကားသော ဘောလုံး ပက်ကာ ballon packers များကို အသုံးပြုပါသည်။ ဒုတိယ ပက်ကာသည် မြေပျော့များတွင် ပဌမ ပက်ကာမျိုးထက် အောင်မြင်ပါသည်။ ပဌမ ပက်ကာသည် ကျောက်စကျောက်စွန်းထွက်သော တွင်းများတွင် အကြမ်းခံ အသုံးပြုနိုင်ပါသည်။
အမှတ် Designation E-18 Open-End Tests နည်းခေါ် တဖက်ဖွင့် စမ်းသပ်နည်းကို တွင်းအချင်း ညီညာစွာ တူး၍ မရသော မြေများ၊ မြေပျော့များ ပြိုကျတတ်သော မြေများတွင် အသုံးများပါသည်။ ၄င်းနည်း၌ စမ်းသပ်လိုသော မြေ သို့မဟုတ် ကျောက်ပျော့တွင်းသို့ ကေစင် (casing) ပိုက်ကို ရိုက်သွင်း၍ ကေစင်အတွင်း၌ ရှိသော မြေများကို ကေစင်အောက်ချေနှင့် အညီ ဆေးပြီး လိုအပ်သော ဖိအားထိရေနေ အကွာအဝေး၊ မြေပြင်မှ အထက် ဖိအားတိုင်း ကိရိယာထိ အကွာအဝေး၊ မြေအောက်ရှိ ကေစင်ပိုက်အရှည်နှင့် ရေ၀င်နှုန်း စသည်များဖြစ်၍ ၄င်းတို့ကို မူတည်၍ စိမ့်တာနှုန်း တွက်ချက်ရလေသည်။
တတိယ အသုံးပြုများ၍ ယုံကြည်အားထားနိုင်သော အချက်အလက်များ ရနိုင်သည့် ရေစုတ်ထုတ်၍ စမ်းသပ်နည်းမှာ ရေနေ သို့မဟုတ် အောက်ခံ ရေပြင်မြင့်သော နေရာများတွင် အောင်မြင်စွာ အသုံးပြုကြပါသည်။ ဤစမ်းသပ်နည်းကို အသုံးပြုရန် အောက်ခံရေပြင် ကျဆင်းသွားသည့် အကွာအဝေးကို တိုင်းရန် စောင့်ကြည့်တွင်း observation wells များ တဖက်တွင် ၂တွင်း ၃တွင်းထိ တူးရန်လိုပါသည်။ ရေစုတ်တွင်းမှ ရေကို ညီညာသော နှုန်းထား အတိုင်း စုတ်ထုတ်၍ စောင့်ကြည့်တွင်းများမှ ကျဆင်းသွားသော အောက်ခံရေပြင်ကို အချိန်မှန်မှန်တိုင်း၍ ရသော အချက်များကို မူတည်ပြီး စိမ့်တာနှုန်း တိုင်းယူရလေသည်။ ဤနည်းသည် မြေနု ကျောက်နည်နှင့် အနည်ကျကျောက်ပျော့များတွင် အသုံးများလေသည်။ ဤနည်းကို ဖူးကြီးတမံ ရွေးချယ်ထားသော နေရာတွင် စမ်းသပ်ရာ တဖက်ဆို့ ပက်ကာ နည်းဖြင့် စမ်း၍ရသော အဖြေနှင့် အလွန်နည်းကပ်သော အဖြေကို ရရှိခဲ့သည်ကို တွေ့ရလေသည်။
စမ့်တာနှုန်းကို အခြားနည်း အမျိုးမျိုးဖြင့် စမ်းသပ်နိုင်ပါသေးသည်။ သို့သော် မြန်မာပြည်တွင် ပစ္စည်း ကရိယာအခက်အခဲ စသည်တို့ကြောင့် လွန်တွင်းအတွင်း အထက်ပါ နည်းများကို ယခုအချိန်ထိ အများဆုံး အသုံးပြုလျှက် ရှိပါသည်။ လိုအပ်ပါက မြေစမ်းသပ်ခန်းတွင် စမ်း၍ရသော အချက်အလက်များကိုလည်း ထည့်သွင်းနှိုင်းယှဉ်၍ အသုံးပြုပါသေးသည်။

ဂရက်စ်နစ် (Granite) တွင် တွေ့ရသော အခက်အခဲများ

ဂရက်နစ်ကျောက်ကို ရမည်းသင်းခရိုင်၊ ရေဇင်တမံတည်ရန် အတွက် စမ်းသပ်ရာတွင် တွေ့ကြုံခဲ့ပါသည်။ ဂရက်နစ်ကျောက်သည် မာကြောခြင်း၊ ၄င်းတွင်ပါသော တွင်းထွက် minerals များသည် အညီအမျှ ပျံ့နှံ့လျက်ရှိခြင်း၊ ၄င်းတို့သည် အစေ့များဖြင့် ဖြစ်သော granular ကျောက်သား texture ဖြစ်ခြင်း၊ ထုထယ်ကြီးမားခြင်း စသည်တို့ကြောင့် ၀န်ခံနိုင်ရည်နှင့် ရှီးယားအား (shear strength) စသော အင်ဂျင်နီယာ လိုအပ်ချက်များ ရှိပါသည်။ သို့သော် ၄င်းကျောက်များသည် ကျေမွသော အခါ မူလရှိသော ဂုဏ်သတ္တိနှင့် စွမ်းပကားများ လျော့ပါးပျက်ဆီးလာလေသည်။ ထို့ကြောင့် တမံတည်ဆောက်ရန် အလို့ငှာ နေရာ ရွေးချယ် စမ်းသပ်ရာတွင် အထူး ဂရုစိုက်ရန် လိုအပ်ပေသည်။
ရေဇင်းတမံ နေရာစမ်းသပ်ရာတွင် ဂရက်နစ်ကျောက်များသည် ချောင်း၏ လက်ဝဲဖက် တမံအောက် ကျမည့်နေရာတွင် ဟိုက်ဒရိုသားမယ်(လ်) ပြောင်းလဲမှုကြောင့် (hydrothermal alteration) လုံးဝ ကျေမွနေသော ကျောက်ထုသည် ပေ (၃၀)မှ ပေ(၄၀) ခန့်ထိ ရှိနေကြောင်း တွေ့ရလေသည်။ ဤဂရက်နစ်ကျောက်သည် နိုက်(စ်) (gneiss) နှင့် အခြား အသွင်ပြောင်းကျောက်များ အတွင်း တိုးဝင် ဖြစ်ပေါ်လာသောကြောင့် ၄င်းတို့ ထိဆုံရာ တလျှောက်တွင် ဟိုက်ဒရိုသားမယ်(လ်) ပြောင်းလဲခြင်း ကြောင့် ပို၍ ကျေမွနေသည်ကို တွေ့ရ၏ ဂရက်နစ်များ အတွင်းရှိ အက်ပြိုင်များ၊ ပြတ်ရွေ့များ၊ ရှီယားဇုံနှင့် ဆတ်ဆတ်ကျေမွဇုံများသည် ရေနှင့်လေကို ၀င်စေသဖြင့် ၄င်းတို့တလျှောက်တွင် ချေမွခံရခြင်းများ ဖြစ်စေပါသည်။ ထို့ကြောင့် အက်ပြိုင် စသည်များ ပေါများရာနှင့် ရာသီဥတု ပြောင်းလဲမှု ခံရဆုံးသော အပေါ်ရံအပိုင်းတွင် ကျောက်ချေမွခြင်းများ အဆင့်ဆင့် ဖြစ်ပေါ်နေသည်ကို တွေ့ရလေသည်။ ကျောက်၏ ရုပ်ဂုဏ်သတ္တိနှင့် အင်ဂျင်နီယာ စွမ်းပကားများသည်လည်း ၄င်းပေါ်မူတည်၍ အမျိုးမျိုး ပြောင်းလဲဖြစ်ပေါ်လျက် ရှိရာ အသေးစိတ် လေ့လာရန် လိုအပ်ပါသည်။
ရေဇင်းတမံနေရာတွင် ချောင်းလက်ဝဲဖက်တွင် ဂရက်နစ်များသည် လုံးဝကျေမွနေ၍ လက်ျာဖက်တွင် ကျောက်များမှာ ယေဘုယျအားဖြင့် လပ်၍ အက်ပြိုင်များ၊ ဆတ်ဆတ်ကျေမွဇုံများ ရှိရာတွင် အနည်းငယ် ကျေမွခြင်းအဆင့်မှ အလွန်ကျေမွခြင်း အဆင့်ထိ ရှိသည်ကို တွေ့ရ၏။ ဤသို့ကျောက်များ၏ ရုပ်ဂုဏ်သတ္တိ မညီညာ၍ ကွန်ကရစ်တမံ မတည်ဘဲ မြေသားတမံတည်ရန် (သို့မဟုတ်) ကျောက်နှင့် မြေသားဇုံ တမံတည်ရန် ဆုံးဖြတ်ရလေသည်။
လွန်တူးရာတွင် ဂရက်နစ်သည် အလွန်မာ၍ စိန်သွားအကုန်အကျ များလေသည်။ လတ်ဆတ်သော ဂရက်နစ် (fresh granite) သည် လတ်ဆတ်သော်လည်း အက်ကြောင်းပြိုင်များတွင် သံအောက်ဆိုဒ် စွန်းထင်းသော ကျောက်နှင့် အနည်းငယ် (ကျောက်သားတွင်း အနည်းငယ် ညိုရောင်သန်းရုံမျှ) ကျေမွသော ကျောက်များတွင် ပဌမတန်းစား လွန်သွား တလုံး (တန်ဘိုး ကျပ် ၉၀၀ိ/ခန့်လျှင် (၁၀)ပေမှ (၁၅)ပေထိသာ ထိထိရောက်ရောက် တူးနိုင်လေသည်။ ထို့ထက်ပို၍ တူးသော် ပေရနှုန်းသည် ဆီစားနှုန်းနှင့် မကာမိချေ။ ထိုလွန်သွားကို (၁၀)ပေမှ (၁၅)ပေ တူးပြီး ဆက်မတူးဘဲ ၄င်းအဟောင်းကို သဲကျောက်ပျော့များတွင် တူးက ပေ အတော်တော်များများ တူးနိုင်သည်ကို တွေ့ရလေသည်။ ထို့ကြောင့် အကွဲအအက် နည်းပါက လွန်သွားကို အရွယ်သေး၍ သုံးခြင်းဖြင့် စရိတ်သက်သာနိုင်ပါသည်။ လွန်တူးရာတွင် တွေ့ရှိတတ်သော အခက်အခဲများကို ဂရက်နစ်များ ဆတ်ဆတ်ကျေမွဇုံ၊ ပြတ်ရွေ့နှင့် ရှီးယားဇုံတွင် တွေ့ရတတ်သည်။ အခက်အခဲများမှာ လွန်ဆံအူတိုင် ပျောက်ခြင်း လွန်ရေပြန် (drilling water return) မလာခြင်း၊ လွန်ညပ်ခြင်းများ ဖြစ်လေသည်။ ဆတ်ဆတ်ကျေမွဇုံ ဖြစ်က လွန်ဆံအူတိုင်သည် အစိတ်စိတ်ကွဲနေ၍ ကျေမွနေမည့်ပြင် ၄င်းဇုံတွင် ချေမွခံရခြင်းကြောင့် ကျောက်များတွင် သံအောက်ဆိုက်များ စွန်းထင်းနေ၍ လွန်ရေပြန်တွင်း သံချေးအရောင် သန်းလာတတ်၏။ ပြန်ရွေ့နေရာတွင် တူးက ရေပြန်တွင် ရွံ့ရေ ပိုပါရပေမည်။ လွန်ဆံအူတိုင်များတွင်လည်း ပြတ်ရွေ့ပွန်းစာ (fault gouge) များ ကပ်ပါလာသည်ကို ဂရုစိုက်ကြည်၍ ရှီးယားဇုံတွင်းမှ ရသော လွန်အူတိုင်သည် အများအားဖြင့် ဆလစ်ကင်းဆိုက် (slickensides) များ ပါလာသည်ကို သတိပြုရပေမည်။
အတော်အသင့် (moderately) ကျေမွသော ဂရက်နစ်များတွင် စိန်လွန်သွားကိုသာ အသုံးပြုရသော်လည်း ပေရနှုန်း ပို၍ ရလေသည်။ အလွန် ကျေမွသော ဂရက်နစ်တွင် တန်စတင်ကာဘိုက် (tungsten carbite) လွန်သွားကို အသုံးပြုနိုင်ပေသည်။ လုံးဝ ကျေမွနေသော ဂရက်နစ်တွင် သလင်းမှ အပ အခြားတွင်းထွက်များသည် ပြောင်းလဲနေရာ အမြင်အားဖြင့် ဂရက်နစ်၏ အသွင်များ တွေ့ရသော်လည်း အင်ဂျင်နီယာ ဂုဏ်သတ္တိမှာ မြေစေးရောသော သဲကြမ်းများ ကဲ့သို့ပင် ရှိလေသည်။ ၄င်းကို တန်စတင်ကာဘိုက် သို့မဟုတ် လွှသွား ဖေါ်ထားသော လွန်သွားဖြင့်လည်း တူးယူနိုင်လေသည်။ ဤလုံးဝ ကျေမွသော ဂရက်နစ်များတွင် လွန်တူးရာ၌ လွန်ရေပြန်ကြောင့် တွင်း၏ အချင်းသည် ကျယ်သွားတတ်ရာ (၁၀)ပေ သို့မဟုတ် (၁၅)ပေ တခါ တူးပြီးလျှင် စိမ့်တာနှုန်း စမ်းသပ်ခြင်းဖြင့် လုပ်ငန်း အောင်မြင်နိုင်ပေသည်။
အခြား ပြုန်းတီးသော အဆင့်ရှိ ဂရက်နစ်များမှာ လိုအပ်သော အနက်ထိ တောက်လျှောက် တူးပြီးလျှင် လွန်တွင်းကို စင်ကြယ်စွာ ဆေးပြီး အနက်ဆုံး အပိုင်းမှ စ၍ အပိုင်းပိုင်း တဆင့်ပြီး တဆင့် ရေကို ဖိအားဖြင့် မှုတ်သွင်း၍ စိမ့်တာနှုန်း စမ်းသပ်နိုင်လေသည်။ ဂရက်နစ်ကျောက်သားသည် သာမန်အားဖြင့် ရေလုံသော်လည်း အက်ပြိုင်များ ပေါများသည်နှင့် အမျှ ရေယိုနိုင်ရာ အက်ပြိုင်များရာ အပိုင်းကို ဂရုပြု၍ စမ်းသပ်ခြင်းဖြင့် နောင်တွင် ဘိလပ်မြေနှင့် မှုတ်သွင်းဖာထေးရမည့် ဇုံများကို သိရပေမည်။ ကွဲအက်ပြိုင် ဇုံများ ရှီးယားဇုံများကို လိုအပ်သော အနက်မရောက်မီ တွေ့၍ ၄င်းအပိုင်းတွင် ကေစင် မချဘဲ ဆက်လက် မတူးနိုင်ပါက ကေစင်မချမီ စိမ့်တာနှုန်း စမ်းသပ်ရပါမည်။ ထို့နောက်မှ ကေစင်ချပြီး ဆက်တူးရန် ဖြစ်ပါသည်။
အချုပ်အားဖြင့် ဆိုသော် ဂရက်နစ်များသည် မာကြော၍ လွန်သွားအတွက် ကုန်ကျစရိတ် ကြီးလေရာ လွန်တွင်းများကို ကျောက်၏ မာကြောပုံအလိုက် မည်သို့ တူးရမည်ကို ကြိုတင် ပုံစံရေးဆွဲ၍ တူးဖော် စမ်းသပ်သင့်ပေသည်။ ဆတ်ဆတ်ကျေမွဇုံ၊ ရှီးယားဇုံနှင့် ပြတ်ရွေ့များကို ဖြတ်တူးလျှင် အထူးဂရုပြု၍ လွန်ဆံအူတိုင်နှင့် လွန်ရေပြန်တွင် ပါသော လွန်စာမှုန့်များ (sludge) ကို ကြည့်၍ မှတ်တမ်းတင်ရပေမည်။ ကျောက်များ အခြေအနေဆိုး၍ ကေစင်ပိုက် လိုက်ရမည်ဆိုလျှင် ပဌမစိမ့်တာနှုန်း စမ်းပြီးမှ ကေစင်သာ လိုက်ရမည်။ လုံးဝကျေမွသော အပိုင်းတွင် (၁၀)ပေ (၁၅)ပေ စသည်ဖြင့် တူးပြီး စိမ့်တာနှုန်း စမ်းခြင်းဖြင့် လိုအပ်သော အချက်အလက်များ ရနိုင်ပါသည်။

(အပိုင်း-၂ ကို ဆက်လက် ဖတ်ရှုရန်)

Scridb filter