တင့်လွင်ဆွေ

ရန်ကုန်မြို့ဝန်းကျင်၌ လှုပ်ခဲ့သောလှုပ်နိုင်သောငလျင်များအကြောင်းပြောလိုပါသည်။

၁၉၃၀ ခုနှစ် မေလ (၅) ၌ဖြစ်သော အင်အား ပမာဏ (၇.၃) ရှိသည့် ပဲခူးငလျင်ကြီးသည် ၁၉၀၀ ပြည့်လွန်နောက်ပိုင်းတွင် အင်အား အပြင်းဆုံးငလျင်များ တွင်ပါဝင်သည်။ ပဲခူးမြို့တစ်ခုလုံး အိမ်ခြေအဆောက်အဦအများအပြား ပျက်စီးခဲ့ရပြီး လူ (၅၀၀) ခန့် သေဆုံးကြောင်း မှတ်တမ်းများရှိခဲ့သည်။ ထိုစဉ်က လူဦးရေ သိန်းဂဏန်းမျှပင်မရှိသေးသော ရန်ကုန်မြို့တွင်လည်း လူ (၅၀) ခန့် ပျက်စီးရကြောင်း သိရသည်။ ပဲခူးဒေသသည် ငလျင်ဒဏ်ကို ဤတစ်ကြိမ်တည်းသာ ခံခဲ့ရသည် မဟုတ်ပေ။ ရွှေမောဓော စေတီတော်သမိုင်းအရ ဆိုလျှင် ဘီစီ (၁၉၇)မှ အေဒီ (၁၃၄၈)ထိ နှစ်ပေါင်း (၁၅၄၅)နှစ်အတွင်း ငလျင်ဖြစ်ရပ်ပေါင်း(၂၂)ကြိမ် ရှိကြောင်း စေတီတော်ပြုပြင်မှု မှတ်တမ်းကျောက်စာ များ တွင်တွေ့ရသည်။ နောက်ပိုင်းတွင် စေတီတော်ကို (၂၇) မီတာအထိမြှင့်လိုက်သည်။ ထို နောက်ပိုင်းမှ ၁၉၃၀ ထိ ငလျင်မှတ်တမ်းပေါင်း (၁၂) ကြိမ်ရှိခဲ့သည်။ ထိုဖြစ်ရပ်များထဲမှ ၁၉၁၇ ငလျင်ကြောင့် စေတီတော်ကြီး ငှက်ပျောဖူး ပျက်၍မြေခခဲ့ရပုံကို ပုံတွင်တွေ့မြင်နိုင်သည်။

မြန်မာ့မျက်ရှုေ၇ွှတိဂုံစေတီတော်ကြီးကိုလည်း ငလျင်ကြောင့် ပျက်သဖြင့် ပြင်ဆင်ရကြောင်း မှတ်တမ်းများ၌ တွေ့ရပြန်သည်။ အေဒီ ၁၃၇၂ မှ စလျှင် (၁၇) ကြိမ်ခန့်ရှိသည်။ အစောပိုင်းနှစ်များကို မသိရချေ။ ထိုအထဲမှ (၈) ကြိမ်ခန့်မှာပြိုကျသွားသဖြင့် ပြန်လည် ပြုပြင်ရကြောင်းဆိုကြသည်။ ရန်ကုန်မြို့တောင်ဖက်ရှိ သံလျင်မြို့၌ ကျိုက်ခေါက်စေတီတော် ရှိသည်။ ထိုစေတီတော်၏ပြုပြင်မှုမှတ်တမ်းတွင်လည်း အချို့နှစ်များ၌ ငလျင်ကြောင့် ပျက်သဖြင့် ပြင်ရကြောင်း ပါရှိသည်။ အေဒီ (၁၃၈၄) မှစလျှင် (၁၀) ကြိမ်ခန့်ရှိကြောင်း တွေ့ရသည်။ အစောပိုင်း မှတ်တမ်းများကိုမူ မတွေ့ရချေ။

ထို စေတီတော်များ၏ငလျင်ဖြစ်ရပ်များကို ယှဉ်တွဲလေ့လာလျှင် တူညီသော နှစ်များကိုတွေ့ရသည်။ ငလျင်ဖြစ်ခဲ့သည့်ှနှစ်များကို ဇယား (၁) တွင် ပြထားပါသည်။ သို့သော် စေတီတော်များ ပြုပြင်မှုမှတ်တမ်း များမှာ မြို့များ၏အချိန်ကာလအလိုက် အရေးပါမှုနှင့်ဆက်စပ် နေသောကြောင့် အချို့နှစ်အပိုင်းခြားများ ကျန်ရစ်နေနိုင်သည်ဟု ခန့်မှန်းရသည်။

ပဲခူးနှင့် သန်လျင်သည် တောင်-မြောက် တစ်တန်းတည်းခန့်ရှိပြီး ရန်ကုန်မြို့က အနောက်ဖက်ကျပေသည်။ ဤနေရာတွင် ဒေသတွင်း ငလျင်ဇစ်မြစ် ကို ကြည့်ရပေမည်။ နာမည်ကြီး စစ်ကိုင်းပြတ်ရွေ့သည် ပဲခူးရိုးမ အရှေ့ခြမ်း၊ ပဲခူးနှင့် သန်လျင်မြို့များအနီး ကပ်လျှက်တည်ရှိသည်။ ရန်ကုန်မြို့ ရွှေတိဂုံ စေတီတော်နှင့် ဆိုလျှင် ၄၀ ကီလိုမီတာခန့်ဝေးပေသည်။ အကယ်၍ စစ်ကိုင်းပြတ်ရွေ့၌ ငလျင်ကြီးလှုပ်ခဲ့လျှင် ပဲခူးနှင့် သန်လျင်မြို့များက တစ်ဆက်တည်း ခံရဖွယ်ရာရှိသည်။ ထို့ကြောင့် ထို (၂) မြို့မှတ်တမ်းများသည် တူညီသင့်သည်။ ဤအယူအဆအတိုင်း ရွှေမောဓောစေတီတော်၏လစ်လပ်သော နှစ်များကို ကျိုက်ခေါက်စေတီတော်မှတ်တမ်းနှင့် ပေါင်းနိုင်ပေသည်။ မှတ်တမ်းများပါ အချက်အလက်များ ကိုယူ၍ ဆန်းစစ်ကြည့်သောအခါ ငလျင်ဖြစ်သော အကြိမ်အရေအတွက်နှင့် နှစ်အပိုင်းအခြားများကို ပုံ(၂)တွင် ပြထားသည့်အတိုင်း တွေ့ရပေသည်။

ရန်ကုန်မြို့အတွက်မူ စစ်ကိုင်းပြတ်ရွေ့ လှုပ်ရှားသဖြင့် ဖြစ်သော ငလျင်များကြောင့်ချည်းဟု ယူရန် မသင့်ပေ။ အဘယ်ကြောင့်ဆိုသော် ရန်ကုန်မြို့အနောက်ဖက် (၂၀) ကီလိုမီတာခန့်အကွာတွင် ဒေးဒရဲ ပြတ်ရွေ့သည် စစ်ကိုင်းပြတ်ရွေ့နှင့် အပြိုင် တောင်-မြောက်အတန်းလိုက်ရှိနေပြီး အင်းအား အသင့်အတင့်ရှိ သော ငလျင်များလှုပ်တတ်သည်။ ၁၉၇၀ ကဖြစ်ခဲ့သော ရန်ကုန်ငလျင်သည် ထိုပြတ်ရွေ့လှုပ်ရှားမှုကြောင့်ဟု ယူဆရသည်။ သို့သော် (၈)ကြိမ်ခန့် ပြိုကျသဖြင့် ပြင်ရကြောင်းမှတ်တမ်းများက ပြသဖြင့် ၎င်းတို့မှာ စစ်ကိုင်း ပြတ်ရွေ့ကဖြစ်သော ငလျင်များကြောင့်ဟု ယိုးစွပ်ပေမည်။ အထက်တွင် ပြခဲ့သည့်သဘောအတိုင်းပင် ငလျင်ဖြစ်သော အကြိမ်အရေအတွက်နှင့် နှစ်အပိုင်းအခြားတို့ကို ပုံ (၃)တွင် ပြထားသည်။

ငလျင်အကြိမ်အရေအတွက်ကို ပြထားသည့် ပုံများကို နှိုင်းယှဉ်ကြည့်လျှင် ခပ်စိပ်စိပ်ငလျင်နှစ်များ (၁၀နှစ်၊ ၂၀ နှစ်)၊ ခပ်ကျဲကျဲနှစ်များ (၁၀၀ နှစ်နှင့် အထက်) နှင့် ကြားနှစ်အပိုင်းအခြား များကို တွေ့ရသည်။ ရန်ကုန်မြို့အတွက်မူ ခပ်စိပ်စိပ်ဖြစ်ရပ်များသည် အနီးအပါးကငလျင်များ (ဒေးဒရဲပြတ်ရွေ့လှုပ်မှု) ဖြစ်နိုင်ပြီး၊ အခြားနှစ်များမှာ စစ်ကိုင်းပြတ်ရွေ့လှုပ်မှုကြောင့်ဖြစ်သော ငလျင်များ ဖြစ်ပုံရသည်။ မှတ်တမ်းများမှ ငလျင် ပြင်းအားကို ခန့်မှန်းမရချေ။ သို့သော် စစ်ကိုင်းပြတ်ရွေ့သည် ငလျင်ကြီးများသာလှုပ်တတ်သော ဇစ်မြစ် ဖြစ်သည်ကို တင်ပြလိုက်ပါသည်။

ဇယား (၁) မြို့ကြီး (၃) မြို့ရှိ စေတီတော်ကြီးများ၏ ငလျင်မှတ်တမ်းများ နှိုင်းယှဉ်ချက်။

၂၈ စက်တင်ဘာ ၂၀၀၉ (tintlwinswe.blogspot.com)

စက်တင်ဘာ ၂၂ ရက်နေ့ ညပိုင်းတွင် ရေနံချောင်းမြို့ အနောက်မြောက်ဖက် မိုင်အနည်းငယ်အကွာ ဧရာဝတီမြစ်တစ်ဖက်ကမ်း ကိုဗဟိုပြု၍ အင်အား ၅.၆ ရှိငလျင်ငယ်တစ်ခုဖြစ်ပွားခဲ့ကြောင်းသိရသည်။ ငလျင်သည် စောက်နက်ငလျင်မျိုးဖြစ်ပြီး ကဘော်ပြတ်ရွေ့၏ တွဲဖက် thrust fault များတလျှောက် အလျားလိုက် ရွေ့လျားရာမှ ဖြစ်ပေါ်ခဲ့ပုံရသည်။ ငလျင်ထိခိုက်မှုသတင်း တိကျစွာမရရှိသော်လည်း အတည်မပြုနိုင်သေးသော သတင်းများအရ အနီးဝန်းကျင်ရှိ ဘုရားအို (၂) ဆူ ထိခိုက်ပျက်စီးခဲ့သည် ဟု ဆိုသည်။ ယခု ငလျင်မြေပေါ်ဗဟိုချက်သည် အဆိုပါဒေသတလျှောက် အင်အားပြင်းထန်သောငလျင်များ အနက် နောက်ဆုံးလှုပ်ခဲ့သော တောင်တွင်းကြီး (၂၂ စက်တင်ဘာ ၂၀၀၃) နှင့် ကီလို ၆၀ ခန့်ကွာဝေးပြီး ပုဂံငလျင် (၈ ဇူလိုင် ၁၉၇၆) နေရာနှင့် ကီလိုမီတာ ၈၀ ခန့်ကွာဝေးကြောင်းသိရသည်။

Geochemistry, Geobotany နှင့် Exploration Geology ဆိုင်ရာဆောင်းပါးများ ရေးသားချီးမြှင့်ခဲ့သူ ဦးမြင့်သိန်း၏ဇနီး ကွယ်လွန်ကြောင်း ကြားသိရ၍ Geolfriends အဖွဲ့သားများက မိသားစုနှင့်ထပ်တူဝမ်းနည်းရပါကြောင်း။

ဦးဉာဏ်သင်း (ဘူမိဗေဒ၊ ကထိက၊ ၀ိဇ္ဇာနှင့်သိပ္ပံတက္ကသိုလ်၊ ရန်ကုန်)

(တက္ကသိုလ် ပညာပဒေသာစာစောင်၊ အတွဲ ၄၊ အပိုင်း ၃၊ ၁၉၆၉ မှ ကူးယူဖေါ်ပြပါသည်။)

ကျောက်မျက်ပညာသည် တွင်းထွက်ဗေဒ (mineralogy) ပညာရပ်၏ အထူးပြုပညာရပ် တစ်ရပ်ဖြစ်သည်။ တွင်းထွက်ဗေဒသည် ကျောက်အမျိုးမျိုးကို ဖွဲ့စည်းထားသော ကျောက်ဖွဲ့တွင်းထွက်များ၊ သတ္တုရိုင်းတွင်းထွက်များ အားလုံးနှင့် လက်ဝတ်တန်ဆာ ရတနာအဖြစ် အသုံးပြုသော ကျောက်မျက်အားလုံးကို ချုံ၍ လေ့လာသော ပညာရပ်ဖြစ်သည်။ ကျောက်မျက်ရတနာများသည် တွင်းထွက်လောက၏ အသီးအပွင့်များဖြစ်၍ လူ့လောက ယဉ်ကျေးမှုသမိုင်းစဉ်တလျှောက်တွင် အရေးပါသော ကဏ္ဍမှ ပါဝင်ခဲ့သည်။ လူသည် ကျောက်မျက်ရတနာများကို ဖော်ထုတ်၍ လက်ဝတ်ရတနာမျာအဖြစ် သုံးစွဲတတ်လာခြင်းမှာ ရှေးအီဂျစ်ခေတ်၊ ဘေဘီလိုနီယန်ခေတ်၊ အက်ဆီရီယန်ခေတ်များမှပင် စတင်ခဲ့၏။ သလင်းတွင်းထွက်အုပ်စုတွင် ပါဝင်သော ကျောက်မျက်များကို ခရစ်မပေါ်မီ အနှစ် ၁၀၀၀၀၀ မှ ၇၅၀၀၀ အချိန်မှ စ၍လည်းကောင်း ဖော်ထုတ် သုံးစွဲ၍ တန်ဖိုးထားတတ် လာခဲ့သည်။ လက်ဝတ်တန်ဆာ ရတနာများအဖြစ် လည်းကောင်း လူများသုံးစွဲသော ရတနာအမျိုးပေါင်းမှာ ၁၀၀ကျော်မျှ ရှိပြီးလျှင် ယင်းတို့တွင် အဖိုးများစွာထိုက်တန်သော ကျောက်မျက်များမှာ စိန်၊ ပတ္တမြား၊ နီလာ၊ မြ၊ ပုလဲများ ဖြစ်သည်။ သာမန်ကျောက်များကဲ့သို့ အလင်းပေါက်၊ အမြင်ပေါက် မဟုတ်သော်လည်း ကျောက်မျက်များ၏ ထူးကဲသော အရောင်နှင့် ဖွဲ့သား (texture) ဂုဏ်သတ္တိကြောင့် တန်ဆာဆင် ပစ္စည်းများအဖြစ် အများအားဖြင့် သုံးစွဲကြသော ကျောက်မျက်တွင်းထွက်များမှာ ကျောက်စိမ်း၊ ဖလူအိုရိုက် (Fluorite) (ဗလူးဂျွန်) (Blue John)၊ လာဇူလိုက် (Lazulite)၊ တာကွိုက် (Turquoise) စသည်တို့ ဖြစ်သည်။
ကျောက်မျက် အမျိုးမျိုး အစားစားရှိ၍ ယင်းတို့၏ တန်ဖိုးမှာလည်း အနိမ့်အမြင့်များစွာ ကွာခြားလေသည်။ သဘာဝအဖြစ် တွင်းထွက် ကျောက်မျက် အမျိုးအစားပေါင်း များစွာရှိသကဲ့သို့ ယင်းတို့ကို တုပ၍ လူတို့ ဖန်တီးပြုလုပ်ထားသော ကျောက်မျက်တုများလည်း အမျိုးအမျိုးအစားစား ရှိလေသည်။ တန်ဖိုးမြင့်သော သဘာဝဖြစ် တွင်းထွက် စိန်၊ ပတ္တမြား၊ နီလာ၊ မြ စသည်တို့ကို အဆင်အတန်းမြင့်စွာ သိပ္ပံနည်းစနစ်ဖြင့် တုပထားသော ပြင်သစ်ချက်ကျောက်များမှ အလွန်ဈေးပေါသော ဖန်များ၊ ပလတ်စတစ်များ၊ ဗိတ်ကလိုက် (bakelite)များ အထိ ကျောက်မျက်အတုမအမျိုးမျိုး အစားစား ရှိလေသည်။

Read more »

ရာစုနှစ်ဦး ငလျင်များဆက်တိုက်လှုပ်သကဲ့သို့ပင် သိသိသာသာလှုပ်ရှားလာသော မြန်မာနိုင်ငံဘူမိသိပ္ပံ အသင်း သည် စက်တင်ဘာ ၅ ရက်နှင့် ၆ ရက် (စနေ၊ တနင်္ဂနွေ) နေ့များတွင် ပုံမှန် တစ်နှစ် (၂) ကြိမ် ကျင်းပနေကျ စာတမ်းဖတ်ပွဲများနှင့်တွဲဖက်၍ ဖိတ်ခေါ် ပညာရှင် (၂) ဦး၏ Economic Geology ဆိုင်ရာ Lecture များကို ပို့ချမည်ဟုသိရသည်။ ပို့ချမည့်ပညာရှင်များမှာ Society of Economic Geology မှ ပညာရှင် Douglas Kirwin နှင့် မြန်မာပြည်ဘူမိဗေဒကို ၈၀စုနှစ်များကပင် ဆက်တိုက်လေ့လာခဲ့သူ Andrew Mitchell တို့ဖြစ်ကြသည်။ ယင်းတို့၏ ပို့ချချက်များအပြီး Society of Economic Geology (SEG) နိုင်ငံတကာအသင်းကြီးတွင် အသင်းဝင်လိုသူများအားလည်း တစ်ပါတည်း လက်ခံပေးသွားမည် ဖြစ်ကြောင်းဝမ်းမြောက်ဖွယ်ကြားသိရပေသည်။