၇ ဇန်န၀ါရီလ ၂၀၁၀။ ဘန်ကောက်ပို့စ်
ထိုင်းနိုင်ငံတောင်ပိုင်း ကရာဘီ (Krabi) ပြည်နယ်က စွန့်ပစ်ထားတဲ့ ကျောက်မီးသွေးမိုင်းဟောင်း တစ်ခုမှာ လွန်ခဲ့သောနှစ်ပေါင်း ၃၅ သန်းလောက်က ကမ္ဘာမြေပေါ်မှာ ကျင်လည်ကျက်စားခဲ့တဲ့ ကမ္ဘာ့သက်တမ်းအရင့်ဆုံး နို့တိုက်သတ္တ၀ါ ကျောက်ဖြစ်ရုပ်ကြွင်း (primate) တွေကို တွေ့ရှိခဲ့တယ်လို့ ရှေးဟောင်းသုတေသန ပညာရှင်များက အတည်ပြုပြောဆို လိုက်ပါတယ်။
အဆိုပါ ကျောက်ဖြစ်ရုပ်ကြွင်းကို သတ္တုနှင့်သယံဇာတ ဦးစီးဌာနက ရှေးဟောင်းသုတေသန ပညာရှင်များက လွန်ခဲ့သော ၁၄ ကတည်းက တွေ့ရှိခဲ့တာ ဖြစ်ပြီး Siamopithecus eocaenus လို့ အမည်ပေးထားပါတယ်။
ကျောက်ဖြစ်ရုပ်ကြွင်းရဲ့ သက်တမ်းအတည်ပြုချက်ကို နိုဝင်ဘာလထုတ် Anatomical Record သိပ္ပံဂျာနယ်မှာ ဖေါ်ပြထားပါတယ်။
ဒီလို ရှာဖွေတွေ့ရှိချက်ဟာ ယခုအချိန်အထိ နို့တိုက်သတ္တ၀ါတွေရဲ့ ရင်းမြစ်အစဟာ အာဖရိက မဟုတ်ဘဲ အာရှဖြစ်တယ်ဆိုတာ အကောင်းဆုံး သက်သေပြနိုင်မှု ဖြစ်တယ်လို့ ဦးစီးဌာနရဲ့ ၀ါရင့် ကျောက်ဖြစ်ရုပ်ကြွင်း ကျွမ်းကျင်သူလည်းဖြစ်၊ ရှေးဟောင်းသုတေသန အသင်း၏ အဖွဲ့ဝင် တစ်ယောက်လည်း ဖြစ်သည့် Yaowalak Chaimanee က ပြောပါတယ်။
အာဖရိကမှာတွေ့ရှိတဲ့ သက်တမ်းအရင့်ဆုံး နို့တိုက်သတ္တ၀ါ ကျောက်ဖြစ်ရုပ်ကြွင်းဟာ နှစ်ပေါင်း ၃၂သန်း ရှိတယ်လို့ သူမက ဆိုပါတယ်။
Nua Khlong ခရိုင်က သတ္တုတွင်းဟောင်းတစ်ခုမှာတွေ့ခဲ့တဲ့ ကျောက်ဖြစ်ရုပ်ကြွင်းတွေမှာ မျက်ရိုးကို တွဲလျက်ရှိနေတဲ့ ညာဘက်အောက်အံသွားများနှင့် အပေါ်ဘက် ဘယ်ညာအံသွားတွေ ပါဝင်ပါတယ်။ ဒါတွေဟာ ကျွန်မတို့ အခုအထိ နိုင်ငံထဲမှာတွေ့ရှိခဲ့တဲ့ အထဲမှာ ကောင်းမွန် အပြည့်စုံဆုံး နို့တိုက်သတ္တ၀ါ ကျောက်ဖြစ်ရုပ်ကြွင်း အစိတ်အပိုင်းတွေဘဲ ဖြစ်ပါတယ်လို့ သူမက ပြောပါတယ်။ ထိုင်းနိုင်ငံက ရှေးဟောင်းသုတေသန ပညာရှင်တွေဟာ ပြင်သစ်နဲ့ ဆွစ်ဇာလန်မှ ကျွမ်းကျင်သူများနှင့် ကျောက်ဖြစ်ရုပ်ကြွင်း လေ့လာမှုအတွက် အနီးကပ် ပူးပေါင်းဆောင်ရွက်နေပြီး ဒီကျောက်ဖြစ်ရုပ်ကြွင်းဟာ မျောက်လွှဲကျော်နဲ့ အရွယ်အစားတူညီကာ အလေးချိန် ၇ ကီလို လောက်လေးတယ်လို့ တွက်ဆထားကြပါတယ်။
မစ္စစ် Yaowalak ရဲ့အဖွဲ့ဟာ ၁၉၉၅ အတွင်းတုန်းက အဲဒီနေရာမှာဘဲ ထိုင်းလူဝံ (Siam Ape) လို့သိကြတဲ့ Siamopithecus eocaenus ရဲ့ အပေါ်နဲ့အောက် အံသွားတွေရယ် သွားအနည်းငယ်ကို တွေ့ရှိခဲ့ဘူးပါတယ်။ ဒါပေမယ့် ၁၉၉၆ မှာတွေ့ရှိမှုလောက် မပြည့်စုံပါဘူး။
ထိုင်းလူဝံ (Siam Ape) ဟာ Amphipithecidae မျိုးနွယ်ဝင်ဖြစ်ပြီး Nature magazine က ကမ္ဘာ့နို့တိုက်သတ္တ၀ါမျိုးစိတ်အသစ်လို့ ၁၉၉၇ တုန်းက မှတ်တမ်းတင်ဖေါ်ပြခဲ့ပါတယ်။
